اسلام آباد 20 دسمبر (اۓ پي پي ) د هند سينئر سفارتكار خارجه دفتر ته راغوښتلے شوے او په 19 دسمبر د قابض هندي ځواكونو له اړخه د كنټرول لائن په ركھ چكري سېكټر د ډز بندۍ په خلاف ورزۍ ورته سخت احتجاج رېكارډ كړے شوے دے۔ د هند د ډزو په نتيجه كښي د اكھوړي كلي 25 كلنه صغيره سخته ژوبل شوه۔ د اتوار په ورځ د خارجه دفتر وياند تر مخه د هند سيئنر سفارتكار ته احتجاجي مراسله وركړې شوه او ورته ووئيلې شو چي د هند قابض ځواكونه د ايل او سي او وركنګ باونډريز پرله پسې خلاف ورزۍ كوي او په غټو وسلو عام اولس په نخښه كوي ۔هغه زياته كړه هندي ځواكونه عام وګړي په نخښه كوي كومه چي د بشري حقونو خلاف ورزي او د انسانيت لپاره د شرم خبره ده ۔ د هند د دغې خلاف ورزو له كبله د سيمې امن او سلامتيا ته خطر پیښ دے ۔ هند سږ كال 3003 ځله د ډز بندۍ خلاف ورزي كړې چي پكښي 27 بي ګنا وګري شهيدان شوي او 250 تپيان شوي ۔هغه ووئيل د هند د دې خلاف ورزو مقصد كشمير كښي د روان ظلم او د نړيوالو بشري حقونو د خلاف ورزو نه د نړۍ پام اخوا كول دي ٬هغه په هند زور راوړو چي هند د 2003 د جنګ بندۍ لوظنامې پاسداري وكړي او د ملګرو ملتونو مبصرين (يو اين ايم او جي آپي پي ) له شخړيز كشمير كښې د پلټنو اجازه وركړي
