اسلام آباد 08 دسمبر(اے پي پي) د نېب چيئرمېن جسټس جاوېد اقبال وئيلي دي چې بدعنواني انصافي زېږوي او كه د دې په وخت علاج ونه كړے شي نو بالاخره د قوم او د ټولنې د تباهې سبب جوړېږي. ده دا خبرې د بدعنوانې د مخ نيوي نړيوالې ورځې په موقع په خپل پېغام كښې وكړې. د نېب چيئرمېن ووئيل چې هر كال د دسمبر 9مه نېټه په نړيواله كچه د بدعنوانې د مخ نيوي نړيوالې ورځې په توګه لمانځلې شي. د دې ورځې د لمانځلو مقصد غړو هېوادونو ته په سماجي او اقتصادي پرمختګ د بدعنوانې د تباه كوونكي آغېز سره سره د بدعنوانې په ضد خبرتيا وركول دي. ده ووئيل چې په بنيادي توګه بدعنواني يو ټولنيز رنځ دے كوم چې د كېنسر په شان د خلقو په ژوند كښې په تندې سره خپرېدونكې ليدل كېدے شي. ده ووئيل چې بدعنواني انصافي زېږوي او كه د دې په وخت علاج ونه كړے شي نو بالاخره د قوم او د ټولنې د تباهې سبب جوړېږي، په نورو الفاظو كښې بدعنواني يو سنګين جرم دے كوم چې معاشرتي او معاشي اقدارو ته نه يوازې زيان رسوي بلكې د ټولې نړۍ په نورو هېوادونو هم د دې آغېز كېږي ځكه د بدعنوانې په ضد مبارزه د ټولې نړۍ مسئله ده. ده ووئيل چې نېب د ملګرو ملتونو د بدعنوانې د مخ نيوي د كنونشن له مخې فوكل اداره ده، نېب كرپشن فري پاكستان لپاره پوخ عزم لري.
