اسلام آباد۔28 نومبر(اے پی پی) خارجه وزيرمخدوم شاه محمود قرېشي سره د هغه خپل سوډاني همڅنګ عمر قمر الدين اسماعيل د نائيجر په پلازمينه نيامې كښې د او آئي سي خارجه وزيرانو كونسل 47 مې غونډې په مهال وليدل۔ د خارجه دفتر وياند له مخې ملاقات كښې دواړو لارښودو په دوه اړخيزه اړيكو او د شريكې خوښې په سيمه ايزو چارو د خيالاتو څرګندونه وكړه۔ دوئي د دواړو هېوادونو ترمينځھ امنيت ٬ تعليم ٬ صحت او د كركيلې په شمول بېلو څانګو كښې مرستې ته د ودې په وركولو هم سلا شول۔ ۔شاہ محمود قرېشی ووئيل پاكستان او سوډان يو بل سره د عقيدې او نظرياتو په بنياد د ورورولۍ نزدې اړيكې لري۔ خارجه وزير شاه محمود قرېشي د 1.3 ارب په آبادۍ او 54 هېوادونو د مشتمل براعظم افريقا اهميت په ډاګه كړو۔ خارجه وزير خپل سوډاني همڅنګ د پاکستان “انګېج افریقه” اقدام په اړه هم خبر كړو چې مقصد ئې براعظم افريقا سره نزدې ٬ مضبوط او په مرسته اډانه اړيكو ته وده وركول دي۔ دواړو خارجه وزيرانو د تجارت او سرمايه كارۍ زياتولو په لارو چارو هم د خيالاتو څرګندونه وكړه۔ دواړه لارښود د نزدې اړيكو په ځائې ساتلو او بېلو څانګو كښې د دوه اړخيزه مرستې مستحكم كولو عمل مخ په وړاندې بوتللو ته هم سلا شول۔
