پېښور ۔16نومبر(اے پی پی) په كاكا صاحب روډ رامخې ته شوې پېښه كښی د مړو شمېره 8 ته ورسېده۔ د ډرائيور عثمان ولد تاج محمد نه فلائنګ كوچ بې قابو كېدو سره ژورې كندې ته پرېوتو چې په نتيجه كښې ئې 8 كسان مړه او 11 نور ژوبل شول۔ د رېسكيو 1122 مرستيالو ډلو د حق رسېدليو مړي او ژوبل كسان نوشهره ميډيكل كمپلېكس روغتون ته منتقل كړل۔ د روغتون ذريعو له مخې په 19 كسانو كښې 8 كسان مړه او 11 ژوبل شوي دي۔ په مړو كسانو كښې 2 مېرمنې او ژوبل شويو كښې سړي ٬ مېرمنې او كوچنيان شامل دي
