اسلام آباد۔25مئی (اے پی پی):وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے پاکستان عظیم ثقافتی ورثے دا حامل ملک اے، ایندی تاریخی اہمیت کوں بحال کیتا ویسی ۔ پاکستان تے قازقستان وچال تاریخی رابطے موجود ہن ݙوہیں ملکاں وچال فلم دے ودھارے سانڳے نجی شعبے دی حوصلہ افزائی کیتی ویسی ۔ اے ڳالھ انہاں Kazakh Khanate – Golden Throne ڈرامہ سیریز دی سکریننگ تقریب توں خطاب اچ آکھی اے ۔ وفاقی وزیر آکھیے پاکستان اتے قازقستان نہ صرف ثقافت بلکہ تاریخی گھاٹے ثقافتی تعلقات نال جڑیے ہوئن انہاں تعلقات، ثقافت، تاریخ اتے ورثہ ݙوہیں اقوام کوں ھک ݙوجھے دے نیڑے رکھیے ۔ ݙوہیں ملکاں دی قومی زباناں اچ ٻہوں ساریاں مشترکہ اصطلاحات ہن جیڑھے جو اساکوں ھک ݙوجھے دے نیڑے گھن آندن ۔ انہاں آکھیے بطور وزیر اطلاعات و ثقافت اے میݙی ذمہ واری اے جو نہ صرف تفریحی سرگرمیاں بلکہ پاکستان اتے قازقستان وچال گھاٹے تے اسٹریٹجک تعلقات کوں ودھارا ݙتا ویسی ۔ وفاقی وزیر آکھیے اے ماݨ دی ڳالھ اے جو پاکستانی ڈرامے اتے ڳاوݨ پوری دنیا اچ پسند کیتے ویندن ۔
.jpg)
