اسلام آباد۔27اکتوبر (اے پی پی) وزیراعظم دے مشیر برائے امور کشمیر تے گلگت بلتستان قمر زمان کائرہ آکھیا جو پاکستان کشمیریاں دے حق خودارادیت دے حصول تئیں انہاں دی سیاسی، اخلاقی اتے سفارتی حمایت کریندا رہسی۔ اڄوکی حکومت کشمیر دے مسئلے تے عالمی رائے عامہ ہموار کرݨ اچ اہم کردار ادا کیتے۔ 27 اکتوبر دا ݙینھ اساں یوم سیاہ دے طور منیندوں۔تاریخ اچ اڄ دے ݙینھ بھارت آپݨی قابض فوج دے ذریعے کشمیر تے حملہ کیتا۔ اے ڳالھیں انہاں مقبوضہ کشمیر تے بھارت دے غیر قانونی تسلط دے خلاف یوم سیاہ دے موقع تے آپݨے خصوصی سنیھے اچ آکھی۔ انہاں آکھیا جو 27 اکتوبر 1947 کوں کشمیریاں دے خلاف ظلم تے جبر دی ایجھی داستان شروع تھئی جیڑھی اڄ وی جاری اے۔ قمر زمان کائرہ آکھیا جو انشاللہ اساݙے کشمیری بھرا جلدی آپݨا حق خودارادیت حاصل اتے آپݨی منزل دا فیصلہ خود کریسن۔ انہاں آکھیا جو اڄوکی حکومت مسئلہ کشمیر تے عالمی رائے عامہ ہموار کرݨ اچ اہم کردار ادا کیتے۔ وزیراعظم محمد شہباز شریف اتے وزیر خارجہ بلاول بھٹو ایں مسئلے کوں دنیا دے فومرز تے سرفہرس رکھیندوں۔ مشیر امور کشمیر تے گلگت بلتستان آکھیا جو کشمیریاں دے حق خودارادیت دے حصول تئیں انہاں دی سیاسی، اخلاقی اتے سفارتی حمایت کریندے رہسوں۔
