بیجنگ۔17اکتوبر (اے پی پی) نگراں وزیراعظم انوار الحق کاکڑ دی چینی صدر شی جن پنگ ولوں عالمی رہنماواں دے اعزاز اچ ݙتے ڳئے عشائیے اچ شرکت کیتی۔ وزیراعظم آفس دے میڈیا ونگ توں جاری بیان موجب نگراں وزیراعظم صدر شی جن پنگ ولوں تریجھے بیلٹ اینڈ روڈ فورم اچ شریک عالمی رہنماواں کیتے ݙتے ڳئے عشائیے اچ شرکت کیتے گریٹ ہال آف پیپلز پڄیے جتھ چینی صدر شی جن پنگ اتے خاتون اول پانگ لی یوان نگراں وزیراعظم دا پرتپاک استقبال کیتا۔ نگراں وفاقی کابینہ دے وزراء وی نگراں وزیراعظم نال عشائیے اچ شرکت کیتی۔گریٹ ہال آف پیپلز اچ تھیوݨ آلے ایں عشائیے اچ روس، کینیا، ایتھوپیا، منگولیا، ہنگری، سری لنکا، قزاقستان، ازبکستان، پاپوا نیو گنی، موزمبیق، چلی اتے ٻئے عالمی رہنما شریک تھیے۔
