اسلام آباد۔15نومبر(اے پی پی) نگران وزیر منصوبہ بندی محمد سمیع سعید نال بحریہ یونیورسٹی دے ریکٹر وائس ایڈمرل (ر) آصف خالق ملاقات کیتی ۔ملاقات اچ تعلیم اتےپیشہ ورانہ تربیت متعلق مختلف امور تے ڳالھ مہاڑ کیتی ڳئی ۔ ملاقات اچ وائس ایڈمرل (ر) آصف خالق یونیورسٹی دے اہم اقدامات تے روشنی پاتی۔ ایں موقع تے نگران وزیر منصوبہ بندی تعلیم دے شعبے اچ ابھردے ہوئے چیلنجز کوں سامݨے رکھیندے ہوئیں تعلیمی اصلاحات دی اہمیت تے زور ݙتا۔انہاں تعلیم دے شعبے کیتے وزارت منصوبہ بندی دی طرفوں چاتے ڳئے ٻہوں سارے اقدامات تے وی روشنی پاتی تے حکومت ولوں مکمل تعاون کرݨ دا عزم کیتا ۔ ایں موقع تے ریکٹربحریہ یونیورسٹی وزارت منصوبہ بندی دیاں کوششاں دی تعریف کیتی ۔ واضح رہے جو ملکی تاریخ اچ اے پہلا موقع اے جو ہائر ایجوکیشن کمیشن دا بجٹ 40 ارب روپے توں ودھا تے 70 ارب روپے کر ݙتا ڳئے۔
