کراچی۔2مئی (اے پی پی) وزیر خارجہ بلاول بھٹو زرداری آکھیا جو موسمیاتی تبدیلی پاروں پاکستان اچ ایں واری اپریل توں ای مینہ شروع تھی ڳے، امیر ملکاں دے ٻݨائے ڳے موسمیاتی بحران دا خمیازہ غریب قوماں ٻھگتݨ تے مجبور ہن۔ میڈیا سیل بلاول ہاوَس توں جاری بیان موجب بلاول بھٹو زرداری ٻیا آکھیا جو ایں ویلھے بلوچستان سودھے ملک دے کئی علاقیاں دے نالیاں اچ طغیانی اے، گزریل مون سون اچ تھیوݨ آلی ریکارڈ بارشاں دے متاثرین دی اڄ وی ہک وݙی تعداد مدد کیتے ݙیکھدی پی اے۔ وزیر خارجہ زور ݙتا جو این ڈی ایم اے سودھے سارے ادارے اتے حکام بارشاں پاروں ہر ویلھے چوکس رہن۔ انہاں عوام توں اپیل کیتی جو او احتیاط کرن اتے سفر نہ کرن۔ انہاں دعا کیتی جو اللہ تعالیٰ پاکستان کوں ہر مصیبت توں بچاوے۔
