اسلام آباد۔9اگست(اے پی پی)توانائی دے شعبے اچ ڈھانچہ جاتی اصلاحات ڳھن آوݨ بارے قومی ٹاسک فورس دے چیئرمین سردار اویس احمد خان لغاری آکھیے جو توانائی دے شعبے اچ اصلاحات جاری ہین، سارے آئی پی پیز دا جائزہ ڳھدا ویندا پئے۔ او وزارت توانائی اچ پاور سیکٹر دی مجموعی اصلاحات خاص کر آئی پی پیز بارے اجلاس توں بعد الیندے وفاقی وزیر آکھیا جو آئی پی پیز بارے آڳو تے دی حکمت عملی ٻݨائی اے، آئی پی پیز دی صلاحیت دا سٹاک ڳھن ڳھدے جیندے مطابق حتمی فیصلے کیتے ویسن۔ انہاں آکھیا جو بجلی دا ملھ نئیں ودھایا ڳیا ٻھل بجلی 77 پیسے فی یونٹ سستی تھئی اے، کڄھ لوک ایویں پروپیگنڈا کر تے مایوسی کھنݙیندے پن جیندے نال عوام دیاں امیداں ترٹدیاں پن، ایں ابرے وزارت وضاحت وی کر چکی اے جو بجلی دے ملھ اچ 2.56 روپے فی یونٹ دا کوئی ودھارا نئیں کیتا ڳیا، حکومت تاں ہتھو پچھلے مہینے دے بلاں دے مقابلے اچ ملھ ڳھٹائے اتے صارفین کوں فیول کاسٹ ایڈجسٹمنٹ دے نوٹیفکیشن موجب ریلیف ملیے، وزارت لوکاں کوں درست معلومات ݙیسی اتے تیکھے عوام کوں خوشخبری ملسی۔
