اسلام آباد۔23نومبر (اے پی پی) صدر مملکت ڈاکٹر عارف علوی آکھیا جو پاکستان روس نال طویل المدتی اتے کثیرالجہتی سانجھے داری چاہندے۔ ایوان صدر دے پریس ونگ توں جاری بیان موجب صدر ڈاکٹر عارف علوی پاکستان اچ روس دے سبکدوش تھیوݨ آلے سفیر ڈانیلہ گانیچ نال ملاقات کیتی۔ صدر ڈاکٹر عارف علوی ایں موقع تے آکھیا جو پاکستان روس نال طویل المدتی اتے کثیرالجہتی سانجھے داری چاہندے، پاکستان روس نال تجارت، معیشت، تحفظ ِخوراک ، توانائی، دفاع اتے عوامی رابطیاں سودھے سارے شعبیاں اچ تعاون چاہندے۔ صدر مملکت غزہ دی صورتحال ، فلسطینی عوام تے اسرائیلی ظلم تے وی روشنی پاتی اتے تریمتیں، ٻالاں صحافیاں سودھے ہزاراں فلسطینیاں دے قتل دی مذمت کیتی۔ صدر مملکت روسی سفیر دے مستقبل کیتے نیک خواہشات دا اظہار کیتا۔
