اسلام آباد۔26اکتوبر(اے پی پی)پاکستان ایران دے خلاف اسرائیلی جارحیت تے چنتا کریندے ایندی مذمت کیتی اے۔ وزیر اعظم محمد شہباز شریف ایکس تے اپݨے ٹویٹ اچ آکھیے جو ایران دے خلاف اسرائیلی جارحیت تے ٻہوں چنتا اے، اسرائیل دی مذمت کریندے ہیں، اینڄھے اقدامات نال نا صرف علاقائی امن و استحکام کوں خطرہ اے ٻھل علاقائی خود مختاری اتے بین الاقوامی قانون دے اصولاں دی وی خلاف ورزی تھیندی اے۔ وزیراعظم محمد شہباز شریف آکھیے جو پاکستان امن کیتے ایران اتے ٻئے ہمسایہ ممالک نال رل تے کم کریندا رہسی، پاکستان زور ݙیندے جو فریقین ٻئی کشیدگی توں بچݨ کیتے تحمل ݙکھاون۔
