اسلام آباد۔28جون(اے پی پی)چیئرمین سینیٹ سید یوسف رضا گیلانی آکھیے جو سی پیک دے تحت توانائی، بنیادی ڈھانچے، زراعت و صنعتی شعبے اچ سرمایہ کاری نال ملکی معیشت تکڑی تھیسی، مشترکہ منصوبیاں نال پاکستان اتے چین دے عوام، تاجراں اتے سرمایہ کاراں کوں فیدہ تھیسی۔ او مالی سال 2023 دی سالانہ پائیدار ترقی دی رپورٹ دے اجراء دی تقریب نال خطاب کریندے پئے ہن ڄیڑھی چیمبر آف کامرس اتے ایس ڈی پی آئی ولوں ادارہ برائے پارلیمانی خدمات (پپس) رکھی ہئی۔ چیئرمین سینیٹ سید یوسف رضا گیلانی آکھیے جو سی پیک خطے دا وݙا منصوبہ اے ڄیڑا خطے دی قسمت وٹا ݙیسی اتے پاکستان دی سیاسی قیادت سی پیک تے ہک مٹھ اے، سی پیک پہلے توں ݙوڄھے مرحلے اچ ویندا پئے، صدر پاکستان آصف علی زرداری سی پیک دا منݙھ ٻدھیے اتے گوادر بندرگاہ دی ترقی ڄھیں اہم ترین فیصلے اتفاق نال تھئین، چینی کمپنیاں، انجینئرز، ماہرین اتے ٻئے عملے دی فول پروف سکیورٹی کیتے سارےو سائل لائے ویسن، چینی شہری اتے کارکن سی پیک منصوبیاں تے بغیر کہیں ݙر دے کم کریندے پن ۔(MJM-DSK)
.jpg)
