ڪراچي- 24 آڪٽوبر (اي پي پي) غربت جي خاتمي ۽ سماجي تحفظ واري وفاقي وزير ۽ پي پي پي پارليامينٽرينز جي مرڪزي اطلاعات سيڪريٽري شازيه عطا مري پاران سينيئر صحافي ۽ اينڪر پرسن ارشد شريف جي ڪينيا ۾ حادثي دوران لاڏاڻي تي گهري ڏک ۽ افسوس جو اظهار ڪندي پونئيرن سان تعزيت ڪئي آ هي. وفاقي وزير شازيه مري پنهنجي تعزيتي پيغام ۾ چيو آهي ته سينيئر صحافي ارشد شريف جي ڪينيا ۾ حادثي دوران لاڏاڻي جو ٻڌي ڏک ۽ صدمو رسيو آهي. ھن چيو ته ڏک جي هن گهڙي ۾ سوڳوار خاندان سان ھمدردي ۽ تعزيت جو اظهار ڪريون ٿا ۽ دعا گھري ته الله تعاليٰ مرحوم جا درجا بلند ۽ پونئرن کي صبر جي توفيق عطا فرمائي.
