اسلام آباد۔19نومبر (اے پی پی) وزیراعظم محمد شہباز شریف ہر اوکھ اچ پاکستان دا ساتھ ݙیوݨ تے سعودی قیادت اتے حکومت دا شکریہ ادا کریندیں ہوئیں آکھیا جو پاکستان اتے سعودی عرب اقتصادی اتے سرمایہ کاری تعاون کوں ٻیا مستحکم ٻݨاوݨ کیتے رَل تے کم کریندے پئن۔منگل کوں وزیراعظم آفس دے میڈیا ونگ توں جاری بیان موجب وزیراعظم محمد شہبازشریف نال سعودی عرب دے نائب وزیر داخلہ ڈاکٹر ناصر بن عبدالعزیز الداؤد منگل کوں وزیراعظم ہاؤس اچ انہاں نال ملاقات کیتی۔ وزیراعظم سعودی نائب وزیر داخلہ دا خیرمقدم کریندیں ہوئیں انہاں کیتے نیک خواہشات دا اظہار کیتا۔ وزیراعظم خادم الحرمین الشریفین شاہ سلمان بن عبدالعزیز آل سعود اتے سعودی عرب دے ولی عہد اتے وزیر اعظم شہزادہ محمد بن سلمان کیتے وی نیک خواہشات دا اظہار کیتا۔ وزیراعظم محمد شہباز شریف ہر اوکھ اچ پاکستان دا ساتھ ݙیوݨ تے سعودی قیادت اتے حکومت دا شکریہ ادا کریندیں ہوئیں آکھیا جو پاکستان اتے سعودی عرب اقتصادی اتے سرمایہ کاری تعاون کوں ٻیا مستحکم ٻݨاوݨ کیتے رَل تے کم کریندے پئن۔ وزیراعظم پاکستان اچ 2.8 ارب امریکی ڈالر دی سعودی سرمایہ کاری بارے سعودی عرب اتے پاکستان وچال مفاہمت دی یادداشتاں تے عمل درآمد تے اطمینان کیتا۔ ملاقات اچ غزہ اتے مشرق وسطیٰ دی صورتحال تے وی ڳالھ مہاڑ کیتی ڳئی۔ ریاض اچ تھیوݨ آلی اڄوکی عرب اسلامی سربراہی کانفرنس دا ذکر کریندیں ہوئیں وزیراعظم سربراہی اجلاس کراوݨ تے سعودی عرب دی قیادت دی تعریف کیتی اتے فلسطین اچ اسرائیل دی نسل کشی دے خلاف اتے غزہ اچ تشدد دے خاتمے کیتے اجتماعی طور امت مسلمہ کوں متحد کرݨ دی سعودی ولی عہد تے وزیراعظم محمد بن سلمان دی کوششاں دی تعریف کیتی۔ وزیر اعظم سعودی ولی عہد تے وزیراعظم شہزادہ محمد بن سلمان کوں پاکستان دا سرکاری دورہ کرݨ دی دعوت دا اعادہ کیتا اتے آکھیا جو پاکستانی عومای انہاں دے پرتپاک استقبال دی راہ تکیندے پئن۔
