اسلام آباد۔12اگست (ا?? پی پی) وزیراعظم یوتھ پروگرام دے تحت پاکستان دی ڈائمنڈ جوبلی اتے نینگراں دے عا??می ݙینھ دے موقع تے نینگراں کوں بااختیار بݨاوݨ کیتے پںج پروگرام شروع کر ݙتن ، انہاں پروگراماں اچ وزیراعظم یوتھ لون سکیم، لیپ ٹاپ سکیم، ہنرمند پروگرام، گرین یوتھ موومنٹ سودھے ٻئے پروگرام شامل ہن۔ نینگراں کوں بااختیار ٻݨاوݨ کیتے پہلی نیشنل یوتھ پالیسی دا اعلان جلدی کیتا ویسی۔ جمعے کوں نینگراں دے عا??می ݙینھ دے موقع تے وزیراعظم یوتھ پروگرام دے تحت یوتھ کنونشن منعقد کیتا ویسی۔ تقریب توں خطاب کریندیں ہوئیں وفاقی وزیر برائے تعلیم وپیشہ وارانہ تربیت رانا تنویر حسین آکھیا جو نینگر اساݙا مستقبل ہن نینگراں کوں بااختیار بݨاوݨ کیتے وزیراعظم یوتھ پروگرام دے تحت اقدامات کیتے ڳئن۔ نیشنل سکل یونیورسٹی سمیت ٻئی پیشہ وارانہ تربیت دے اداریاں کوں اپ گریڈ کیتا ویندا پئے۔ انہاں آکھیا جو یونیورسٹیاں اچ نینگراں دی رہنمائی کیتے روزگار ݙیوݨ دی لوڑھ اے۔ انہاں آکھیا جو سکالر شپس اچ پنجاہ فیصد کوٹہ تریمتیں کیتے ہوسی۔ انہاں آکھیا جو نیوٹک دے ذریعے ہک لکھ نینگراں کوں مفت پیشہ وارانہ تعلیم ݙتی ویسی۔ ملک کوں ترقی دے رستے تے ٹورݨ کیتے ہنرمند نینگراں دی لوڑھ اے۔ وزیراعظم دی معاون خصوصی برائے امور نوجوان??ن شیزہ فاطمہ خواجہ آکھیا جو اساں پاکستان دی ڈائمنڈ جوبلی منیند?? پیوں۔ 2013 اچ مسلم لیگ ن دی حکومت وزیراعظم یوتھ پروگرام شروع کیتا اتے ایں پروگرام توں لکھاں نینگر فائدہ چیندے پئن۔ انہاں آکھیا جو ایں سال یونیورسٹیز اتے کالجز دے طلباء کوں ہک لکھ لیپ ٹاپ ݙتے ویسن۔ انہاں اچ پنجاہ فیصد کوٹہ یونیورسٹیاں دا ہوسی۔ معذوراں کیتے خصوصی کوٹہ رکھیا ویسی۔ انہاں آکھیا جو نینگراں دی سوکھی رسائی کیتے (PYMP) موبائل اپیلی کیشن دا اجراء کیتا ڳئے۔ معاون خصوصی آکھیا جو سپورٹس ٹیلنٹ ہنٹس پروگرام دے تحت مختلف کھیݙاں دے مقابلے تھیسن۔ ایں موقع تے وزیردفاع خواجہ محمد آصف نینگراں کیتے پنج پروگراماں دے اجراء دا افتتاح کیتا۔ تقریب اچ وفاقی وزیر برائے اطلاعات تےنشریات مریم ??ورنگزیب ، وفاقی وزیر برائے قانون وانصاف اعظم نذیر تارڑ سودھے پارلیمنٹ دے ارکان اتے زندگی دے مختلف شعبیاں دے لوک شریک تھیے۔ تقریب دے چھیکڑ تے وزیر دفاع خواجہ محمد آصف مختلف شعبیاں اچ نشابر کارکردگی ݙکھاوݨ آلے نینگراں اچ ایوارڈز تقسیم کیتے۔
