اسلام آباد۔12مئی (اے پی پی) آبی وسائل دے وفاقی وزیر سید خورشید شاہ آکھیا جو صوبیاں کوں آئین دے تحت برابری دی بنیاد تے پاݨی ملسی، امید اے جو 15 جون تئیں پاݨی دی ڳھٹکی دور تھی ویسی۔ پنجاب، سندھ ، بلوچستان اتے چولستان کوں آئین دے تحت برابری دی بنیاد تے پاݨی ملسی۔ خمیس کوں قومی اسمبلی اچ پاݨی دی ڳھٹکی بارے ارکان ولوں چاتے ڳئے معاملے تے پالیسی بیان اچ انہاں آکھیا جو اساکوں حقیقت دا سامݨا کرݨا چہیدے اتے جمہوری روایات کوں وی ݙیکھݨا چہیدے۔ انہاں آکھیا جو وزراء، ارکان اتے لیڈر شپ کوں ایوان اچ محدود رہوݨا چہیدے۔ وزراء کوں باقی کم پارلیمنٹ دے بعد کرݨے چاہیدن۔ انہاں آکھیا جو صوبیاں کوں آئین دے تحت برابری دی بنیاد تے پاݨی ملسی، امید اے جو 15 جون تئیں پاݨی دی ڳھٹکی دور تھی ویسی۔
