اسلام آباد۔11اکتوبر(اے پی پی) نگران وزیرِ اعظم انوار الحق کاکڑآکھیے پی آئی اے اتے خسارے دے شکار ٻئے سرکاری ملکیتی اداریں دی نجکاری دے عمل کوں مزید تکھا کیتا ونڄے ۔ ملک معاشی مشکلات دا شکار اے اتے قومی اداریں دا گھاٹا انہاں اوکھے حالات اچ ودھارے دا باعث بݨدا پئے ،گھاٹے دے ذمے واریاں دا تعین کرݨ ٻہوں ضروری اےتاں جو ایندے تدارک سانڳے اقدامات چاتے ونڄ سڳن ،نجکاری دے عمل دی شفافیت یقینی بݨائی ونڄے۔ وزیراعظم آفس دے میڈیا ونگ توں جاری بیان موجب نگران وزیرِ اعظم انوار الحق کاکڑ دی ِ صدارت اچ پی آئی اے دے حوالے نال اعلی سطحی اجلاس تھیا ۔ اجلاس اچ نگران وفاقی وزیر نجکاری فواد حسن فواد، مشیرِ وزیرِ اعظم احد خان چیمہ متعلقہ اعلی حکام شرکت کیتی۔اجلاس کوں پاکستان انٹرنیشنل ایئر لائنز دی مالی صورتحال اتے نجکاری دے عمل دی پیش رفت دا ݙسایا ڳیا ۔ اجلاس کوں ݙسایا ڳئے جو پی آئی اے دی نجکاری اچ آندیاں رکاوٹاں کوں مکاݙتا ڳئے ۔وزیرِاعظم پی آئی اے دے معاملات تے فیصلہ سازی اچ تاخیرتے تشویش دا اظہارکیتے۔وزیرِ اعظم ہدایت کیتی جو قومی ایئر لائن دی نجکاری دے عمل کوں شفاف تے تکھا کیتا ونڄے تاں جو ملکی خزانے کوں مزید ضیان توں بچایا ونڄ سڳے ۔ وزیراعظم آکھیے عوام دے ٹیکساں نال انہاں اداریں دا گھاٹا پورا کرݨ مزید ممکن کائنی ۔ انہاں آکھیے جو ہوابازی شعبے دی اصلاحات توں عوام کوں بہترین سفری سہولتاں ݙتیاں ونڄ سڳدن سڳسن ۔ گھاٹے دے ذمہ واراں دا تعین کرݨ ٻہوں ضروری اے تاں جو ایندے تدارک سانڳے اقدامات کیتے ونڄ سڳن ۔ وزیراعظم آکھیے نجکاری دے عمل دی شفافیت یقینی بݨائی ونڄے۔
