اسلام آباد۔8فروری (اے پی پی):حریت رہنما یاسین ملک دی ذال مشعال حسین ملک آکھیے جو مقبوضہ کشمیر اچ تحریک ہݨ نینگراں دے ہتھ وچ اے ،تحریکاں اچ نینگراں دا کردار ٻہوں اہم اے ،طلباء دا جذبہ ݙیکھ تے دلوں خوشی تھئی ۔سنوار کوں اسلام آباد ماڈل سکول اچ تقریب توں خطاب کریندے ہوئیں مشعال ملک آکھیے جو سکول کالج دور اچ وی کجھ کرݨ دا جذبہ موجود ہئی ،مقبوضہ کشمیر اچ نہتی کشمیری قوم نو لکھ فوج نال لڑدی پئی اے ،ستر سال توں بھارتی فوج مقبوضہ کشمیر اچ ظلم کریندی پئی اے ۔مشعال ملک آکھیے جو تحریک آزادی کیتے کشمیریاں دیاں قربانیاں ضائع نہ ویسن ،جسم دے ھک ھک حصے تے زخماں دے نشان ہن ،کشمیری تاریخ رقم کریندے پئن،کشمیر اچ نینگر تحریک آزادی چلیندے پئن ،کشمیری طلباء بھارتی بربریت دا مقابلہ کریندے پئن ۔مشعال ملک آکھیے جو کشمیر اچ بھارتی فوج،نینگراں دا مستقبل تاریک کریندی پئی اے ،کشمیر پاکستان دی دفاعی لائن اے۔
.jpg)
.jpg)
