اسلام آباد 05 ستمبر (اے پي پي) د قامي اسمبلۍ سپيكر سردار اياز صادق د 6 ستمبر 1965ء په جنګ كښې شهيدانو او غازيانو ته پېرزوئنې وړاندې كولو سره وئيلي دي قام پخپلو مېړنو ځوانانو وياړ لري او دوي به تل ياد ساتي چا چې د وطن دفاع لپاره خپل ځانونه قربان كړي٬ د 65 په جنګ كښې غازيانو د بهادرۍ او جرأت لازواله داستانونه رقم كړي او د دښمن ناپاكې ارادې ئې خاورې كړي ۔ دا خبره ده د دفاع 59مې ورځ په موقع خپل پېغام كښې كړې كومه چې هر كال په 6م ستمبر په قامي جوش او جذبه لمانځلې كېږي۔ سپيكر ووئيل د شهيدانو په قربانيو مونږ وياړ لرو ٬ دوي زمونږ حقيقي اتلان دي، د دوي ياد به تل زمونږ په زړونو كښې ژوندے وي۔ ده ووئيل د 65 په جنګ كښې ټول قام يو موټے او د خپلو جري وسله والو ځواكونو سره لكه د غر ولاړ ٶ٬ په دغه جنګ كښې چې قام د كوم لازواله يووالي او اتحاد مظاهره كړې د ھغې مثال نه ترلاسه كېږي۔ ده ووئيل نن هم هېواد دښمنه عناصر په سازشونو كښې بوخت دي او د ترهګرۍ د لارې په هېواد كښې ناامني او د اړي اګړې خپرولو هڅې كوي۔ ده ووئيل د پاكستان مېړنے وسله وال پوځ او قانون نافذ كوٶنكې ادارې هېواد هېواد څخه د ترهګرۍ لعنت خاتمې لپاره پرله پسې هڅې كوي او د دې لعنت خاتمې لپاره ئې لازواله قربانۍ وركړي ٬ ټول قام د وطن دفاع٬ سلامتيا او امن لپاره د شهيدانو مقروض او احسان مند دے او دوي ته د دفاع ورځ په موقع پېرزوئنې وړاندې كوي۔ سپيكر د 6م ستمبر 1965 پاك هند جنګ كښې د شهيدو شوو لوړو درجو او په هېواد كښې امن٬ سلامتيا او پرمختګ لپاره دعا هم وكړه۔
