اسلام آباد۔24مارچ(اے پی پی)پاکستان اتے ترکی تجارت، ثقافت و دفاع دے شعباں اچ تعاون ودھاوݨ تے زور ݙتے اتے ݙو طرفہ تعلقات تکڑے کرݨ سودھا مختلف علاقائی و بین الاقوامی فورمز تے رل مل تے کم کرݨ تے اتفاق کیتے۔ اے اتفاق صدر مملکت ڈاکٹر عارف علوی اتے ترک چیف آف جنرل سٹاف جنرل یاسر گلر دی ملاقات اچ تھئے۔ ایں موقع تے ترکی دے سفیر احسان مصطفیٰ یرداکل وی موجود ہن۔ انہاں ݙوہاں ملکاں وچال تجارت، آئی ٹی اتے دفاع کوں تکڑا کرݨ تے زور ݙتے۔ صدر مملکت ہر موقع تے پاکستان دی حمایت تے ترکی دا شکریہ ادا کیتے۔ ترک چیف آف جنرل سٹاف جنرل جنرل یاسر گلر یوم پاکستان پریڈ اتے او آئی سی دے وزرا خارجہ کونسل اجلاس دی کامیابی تے مبارک ݙتی۔
