اسلام آباد۔3 ستمبر(اے پی پی) وزيراعظم شهباز شريف وئيلي دي چې په هېواد كښې د افراط زر شرح په تېرو درې كلونو كښې په اولني ځل 9.5 فيصد ته راغلې ده ٬ دا كومه اتفاقي خبره نه ده بلكې زمونږ د هڅو مېوه ده۔ د نهې په ورځ په اېكس خپل پوسټ كښې وزيراعظم ووئيل د پاكستان د شمارياتو ادارې له مخې په اګست 2024 كښې د درې كالو په موده كښې په اولني ځل د افراط زر شرح سنګل ډيجټ ته راغلې ده۔ ده ووئيل مونږ خپل پام عام اولس ته ريليف وركولو پلو ګرځولے دے ٬ زمونږ كار لا ختم نه دے اوس هم لا ډېر څه كول دي او مونږ د حقيقي سوكالۍ راوستلو عزم لرؤ۔
