اسلام آباد 29 اګست (اے پي پي)د سېنېټ دوهم چيئرمېن سيدال خان د پاكستان او المان ترمينځه تجارتي او اقتصادي روابط مهم ګرځولو سره وئېلي دي د پاكستان او المان ترمينځه د تجارتي مرستې پراخه موقعې موجود دي٬پارليماني مرستې ته د ودې وركولو ضرورت دے۔د زيارت په ورځ د سېنېټ دوهم چيئرمېن سيدال خان سره د المان سفير الفريډ ګرانس پارليمنټ هاؤس كښې ملاقات وكړو۔په ملاقات كښې په دوه اړخيزه اقتصادي٬تجارتي او د پارليماني روابط لا زياتولو نه علاوه په مهمو سيمه ايزو او نړيوالو چارو د خيالاتو څرګندونه وشوه۔په دې موقع د سېنېټ دوهم چيئرمېن ووئيل د دواړو هېوادونو ترمينځه پارليماني مرستې ته د لا ودې وركولو ضرورت دے۔سيدال خان د المان سفير خبر كړو چې د بلوچستان معدنيات دولت لري٬موثره تګلارې اختيارولو سره د سرمايه كارۍ موقعو څخه ګټه پورته كولې شي۔ده ووئيل بلوچستان كښې د كركيلې٬صحت٬تعليم معدنيات او سېلګرۍ څانګې د سرمايه كارۍ كولو څخه د دواړو هېوادونو معيشت كښې ښه والې راوستلې شي۔دوهم چيئرمېن د المان سفير ته ووئيل د افغان جنګ له امله پاكستان ډېرې ځاني او مالي قربانۍ وركړي٬پاكستان د ترهه ګرۍ په جنګ كښې لوي زيان پورته كړے او ګڼ شمېر پاكستانيان شهيدان شوي خو د افسوس خبره ده چې نړۍ زمونږ دومره مرسته نه ده كړې څومره چې زمونږ زيان شوے ۔ده ووئېل پاكستان د ترهه ګرۍ په جنګ كښې په دې منطقه كښې تر ټولو زيات زيان پورته كړے٬د ترهه ګرۍ له امله پاكستان معاشي٬سماجي٬معاشرتي او د ژوند هره څانګه كښې ځپلے شوے٬د ترهه ګرۍ جنګ زيان ټول هېواد ته رسېدلے او تر نن ورځې پاكستان د ترهه ګرۍ په جنګ كښې تر ټولو زيات ځپلے كېږي۔ د المان سفير بلوچستان كښې د اوسنۍ ترهه ګرۍ په پېښو د افسوس څرګندونه وكړه۔ده د سېنېټ دوهم چيئرمېن سيدال خان خبر كړو چې المان پاكستان سره خپلو اړيكو ته د قدر په نظر ګوري٬بلوچستان كښې په ټولو لويو پروژو كار كوو۔ده ووئيل بلوچستان كښې د سوشل سيكټر ډېر پروګرامز شته كومو څخه چې به معاشي حالات كښې ښه والې راشي٬پاكستان سره زمونږ تجارتي پالېسۍ كښې توازن قائم دے او د جي اېس پي پلس له مخې پاكستان ته د كال د 900 ملين يورو د ټيكس اساني ترلاسه كېږي كوم چې ستاسو ګاونډي هېواد هند ته هم نه ترلاسه كېږي۔ده ووئيل د كال 1961 نه تراوسه المان پاكستان ته 3.7 ارب يورو مرسته٬تعليم٬روغتيا او نورو څانګو پرمختك لپاره وركړې۔ده د سېنېټ دوهم چيئرمېن ته باور وركړو چې په پاكستان كښې د سرمايه كارۍ او اقتصادي روابط ودې لپاره تګلاره اختيارولې شي او دوهم چيئرمېن چې د كومو مسئلو ذكر كړے د هغې حل لپاره به هم هڅې كولې شي۔
