ساهيوال 29 جنوري (اے پي پي) وزيراعظم عمران خان ساهيوال ته په يوه ورځنۍ دوره رسېدلے. ساهيوال ته په رسېدو د پنجاب ګورنر چوهدري محمد سرور، د پنجاب وزيراعلٰي سردار عثمان بزدار او د صوبائي او قامي اسمبلۍ غړو د وزيراعظم هركلے وكړو. د وزيراعظم آفس د مېډيا څانګې لخوا جاري بيان له مخې وزيراعظم به په ساهيوال كښې د اولسي ښېګړې او د پرمختيائي پروژو پرانسته كوي. وزيراعظم به په ساهيوال كښې د احساس پروګرام له مخې مستحقو كسانو ته چېكونه هم وركوي. وزيراعظم به د كامياب جوان پروګرام له مخې مستحقو ځوانانو ته چېكونه وركوي او ټرېكټرز به كروندګرو ته وركوي.دغسې وزيراعظم به په ساهيوال كښې اولسي غونډې ته وېنا هم كوي
