اسلام آباد 19 جنوري (اے پي پي) صدر ډاكټرعارف علوي وئيلي دي پاكستان دوستانو هېوادونو سره تجارت، سرمايه كاري، دفاع او كلتوري مرسته زياتول غواړي، غېر ملكي سرمايه كارو ته د هېواد سرمايه كارۍ دوست ماحول څخه د استفاده كولو ضرورت دے، نړيواله ټولنه دې هند د نړيوال قوانين خلاف ورزو څخه منع كولو لپاره خپل كردار ترسره كړي. ده دا خبرې د نهې په ورځ د بېلا بېلو هېوادونو سفيرانو سره د ملاقاتونو په مهال په خپلو خبرو كښې وكړې. د ايوان صدر د مېډيا ونګ لخوا جاري بيان له مخې صدر ډاكټر عارف علوي ته د كوريا، نيپال، بېلاروس او آئيرلېنډ، كوسوو، مالي او سېراليون نامزد سفيرانو خپل سفارتي اسناد وړاندې كړل. سفيرانو صدر سره جلا جلا ملاقاتونه وكړل. په دې موقع صدر سفيرانو ته مباركي وركړه. صدر ډاكټر عارف علوي هيله څرګنده كړه چې نومولي شوي سفيران به پاكستان سره د تجارت او كلتوري اړيكو په وده كښې خپل كردار ترسره كړي. ده ووئيل پاكستان دوستانو هېوادونو سره تجارت، سرمايه كاري، دفاع او كلتوري مرسته زياتول غواړي، د كاروبار اسانيو په اړه د پاكستان په نړيواله درجه بندي كښې زبردسته بهتري راغلې، غېر ملكي سرمايه كارو ته د هېواد سرمايه كارې دوست ماحول څخه د استفادې كولو ضرورت دے. ده ووئيل پاكستان دوستانو هېوادونو سره په ټولو څانګو كښې اړيكې مستحكم كول غواړي. پاكستان د ” انګېج افريقه” پالېسې له مخې افريقائي هېوادونو سره د اړيكو ودې لپاره اقدامات كوي. ده ووئيل پاكستان د شريكې خوښې په ټولو څانګو كښې افريقائي هېوادونو سره تكنيكي مرستې ته چمتو دے. صدر سفيران د مقبوضه جمو كشمير په بې ګناه اولس د هندي ظلمونو او د بشري حقونو څخه د سرغړونو نه خبر كړل. ده ووئيل نړيواله ټولنه دې هند د نړيوال قوانين خلاف ورزو څخه منع كولو لپاره خپل كردار ترسره كړي.
