اسلام آباد۔13 دسمبر(اے پی پی) د پارليماني چارو صلاحكار ډاكټر بابر اعوان وئيلي دي چې د پي ډي اېم د لاريونونو كولو مقصد د مودي بيانيه خپرول دي۔ د اپوزيشن لاريونونه نه بندول كورونا خپرېدو ته تقويت وركول دي۔ د اتوار په ورځ خپل يو بيان كښې هغه ووئيل د اپوزيشن لاريونونو سره حكومت ته هېڅ زيان نه رسي۔ د اپوزیشن استعفاګانو سره به تحريك انصاف ته درې كښې دوه برخې اكثريت ترلاسه شي۔ د آئين له مخې چرته چې استعفی وركولې شي دغلته به ټاكنې كولې شي۔ د پیپلز ګوند سندھ څخه استعفی سره به تحريك انصاف سندھ كښې زيات مضبوط شي۔ هغه ووئيل د اپوزيشن مقصد د برازيل او امريكا په ډول هېلت اېمرجنسي صورتحال رامخې ته كول دي۔ هغه ووئيل د مريم نواز مېرے شيرو نعره اوس غلطه شوې ده اوس بايد “اپنے بھائیوں، ابو، کزن، واپس آؤ” نعره ولګولې شي۔ هغه زياته كړه چې دوئي خپل بچي خو بهر پټ كړي دي ولې د نورو ژوند سره لوبې كوي
