اسلام آباد 22 نومبر (اے پي پي) د اطلاعاتو او خپرونو وفاقي وزير سېنېټر شبلي فراز وئيلي دي چې د خېبر پښتونخوا اولس د پي ډي اېم د جلسې بائيكاټ كولو سره ثابته كړې چې دوي سياسي بصيرت لرونكي باشعوره خلق دي، د عدالتي حكم باوجود د پي ډي اېم په غونډو كولو اصرار د دوي بې شرمي او د اولس د دښمنې عكاسي ده. د اتوار په ورځ د پي ډي اېم په غونډه غبرګون ښودلو سره ده ووئيل چې د خېبر پښتونخوا اولس د وزيراعظم عمران خان په خواست نه يوازې خپل ځان د كورونا څخه محفوظ ساتلې بلكې د پي ډي اېم اولس دښمنه اېجنډا ئې هم شنډه كړې. په غونډه كښې ګډون نه كول د خېبر پښتونخوا د اولس لخوا په اپوزيشن اعتماد نه كول دي. ده ووئيل چې د كورونا وبا يو حقيقت دے، افسانه نه ده. د عدالتي حكم باوجود د پي ډي اېم په غونډو كولو اصرار د دوي بې شرمي او د اولس د دښمنې عكاسي ده. شبلي فراز ووئيل چې اپوزيشن ګوندونو د قانون د احترام او د اولس د روغتيا په ځائ تل خپل ذات ته ترجيح وركړې. د جلسې ګډون كوونكو ته وايم چې خپل ځان قرنطينه كړي، خپل خيال دې وساتي او نور دې هم د وبا نه محفوظ كړي.
