اسلام آباد 20 نومبر (اے پي پي) د وزيراعظم د روغتيا خاص مرستيال ډاكټر فېصل سلطان وئيلي دي حكومت د كورونا وائرس دوئمې چپې مخ نيوي لپاره په وخت اقدامات كړي او دې سره ئې د وبائي رنځ معاشي آغېز كمولو لپاره هم ضروري اقدامات نافذ كړي چې دغسې د خلقو د روغتيا حفاظت باوري كړے شي. د جمعې په ورځ نجي ټي وي چېنل سره په خبرو كښې ده ووئيل كه اولس د كورونا وائرس څخه بچ كېدو لپاره سخت احتياطي تدابير ونه كړل نو په هېواد كښې د كووېډ 19 خپرېدو اندېښنه زياتېدې شي. ده ووئيل اېن سي او سي په لويه پېمانه په اولسي غونډو د بندېز لګولو تجويز وړاندے كړے او شادي هالونو لپاره د حفاظتي اقداماتو اصول هم جاري كړې شوي. ده ووئيل د واده په دستورو كښې دې په اېس او پيز عمل وكړے شي. ده ووئيل د اولس حفاظت د حكومت وړومبې ترجيح ده، په كومو ښارونو كښې چې د كورونا وائرس خپرېدو اندېښنې زياتې دي، په هغو ځايونو كښې به بندېزونه سخت كولے شي
