اسلام آباد 04 نومبر (اے پي پي) صدر ډاكټر عارف علوي په هېواد كښې د اي لرنګ ډاډګېرنې او ودې لپاره زر تر زره د فاصلاتي تعليم پاليسي جوړولو سپارښتنې كولو سره وئيلي دي د اي لرنګ په نتيجه كښې به د ټولنې كمزورو طبقو او په خاص توګه د كليوالو سيمو زده كوونكو ته ډېره ګټه ورسي. ده دا خبرې د شورو په ورځ د ورچوئل پوهنتون د بورډ آف ګورنر غونډې ته په خپله وېنا كښې وكړې. په غونډه كښې وفاقي وزير سيد امين الحق، د آئي ټي اېنډ ټي سېكرټري ، د تعليم سېكرټري ، د بورډ غړو او د انفارمېشن ټېكنالوجې د وزارت اعلٰي چارواكو ګډون كولو. د ايوان صدر د مېډيا څانګې له خوا د جاي بيان تر مخه صدر د بورډ نوو ټاكلو شوو غړو له مباركي وركړه. صدر په هېواد كښې د اي لرنګ ډاډګېرنې او ودې لپاره زر تر زره د فاصلاتي تعليم پاليسي تشكيلولو هدايت سره ووئيل د اي لرنګ په نتيجه كښې به د ټولنې كمزورو طبقو او په خاص توګه د كليوالو سيمو زده كوونكو ته ډېره ګټه ورسي. ده ووئيل ورچوئل پوهنتون صلاحيت لري چې خپل خدمات كليوالو سيمو ته ورسوي
