اسلام آباد۔27 اکتوبر(اے پی پی) وزیراعظم عمران خان وئيلي دي د جمو وكشمير شخړې نړيوال حېثيت د ملګرو ملتونو سلامتي كونسل منلے شوے په كوم چې عملدرآمد كول پاتي دے ، د ټولو غړو هېوادونو ذمه واري ده چې هند د خپلو نړيوالو ذمه وارو ترسره كولو پابند كړي۔ پاكستان په نړيواله ورورولۍ زور راوړي چې هند منطقه كښې عدم استحكام لپاره د رياستي ترهګرۍ كارولو نه منع كړي او د كشمير مسئله د ملګرو ملتونو د سلامتي كونسل قراردادونو او د كشميري اولس هيلو له مخې په سولييز ډول حل كولو ته مجبور كړي۔ پاكستان به د كشميري اولس ترڅنګ ولاړ وي او ترڅو چې دوي د خپلواكۍ حق ترلاسه كړے نه وي ملاتړ به روان ساتي۔ د كشمير تورې ورځې په موقع خپل پېغام كښې وزيراعظم ووئيل مونږ دا ورځ كشميري اولس لپاره د خپل كلك ملاتړ په توګه لمانځؤ۔ د كشمير توره ورځ د بشري تاريخ د تور باب عكاسي كوي كله چې 73 كاله وړاندې د هند پوځونه په منطقه قبضه كولو له او كشميري اولس محكومه كولو له سري نګر ته لاړل ۔ هغه ووئيل د تېرو 7 لسيزو نه روانو ظلمونو ٬ زياتي او د جبر باوجود هند د كشميري اولس عزم او حوصله ماتولو كښې ناكامه راغلے ۔ وزیراعظم عمران خان ووئيل د تېر كال اګست په 5 مه نېټه مقبوضه كشمير كښې د هند يو اړخيزه كارروائيو ٬ پوځي محاصرې ٬ د مواصلاتي رابطو منقطع كولو او د متنازع سيمې آبادياتي تناسب بدلولو په ډول نورو غېر قانوني اقداماتو د هند د آر اېس اېس هندوتوا نظريه لا بې نقابه كړې۔وزيراعظم ووئيل د جمو وكشمير شخړې نړيوال حېثيت د ملګرو ملتونو سلامتي كونسل كښې منلے شوے په كوم چې عملدرآمد كول پاتي دے ، د ټولو غړو هېوادونو ذمه واري ده چې هند د خپلو نړيوالو ذمه وارو ترسره كولو پابند كړي۔ ده ووئېل پاكستان په نړيواله ورورولۍ زور راوړے چې هغه هند منطقه كښې عدم استحكام لپاره د رياستي ترهګرۍ كارولو نه منع كړي او د كشمير مسئله د ملګرو ملتونو د سلامتي كونسل قراردادونو او د كشميري اولس هيلو له مخې په سولييز ډول حل كولو ته مجبور كړي او دا يوازنۍ لاره ده چې ورسره سوئيلي آسيا كښې تلپاتې امن او استحكام باوري كېدے شي۔ وزيراعظم ووئيل پاكستان به د كشميري اولس ترڅنګ ولاړ وي او ترڅو چې د خپلواكۍ حق ترلاسه نه كړي ملاتړ به ئې روان ساتي
