اسلام آباد۔6 ستمبر(اے پی پی) د صنعت او پېداوار وفاقي وزير رانا تنوير حسېن وئيلي دي د دفاع ورځ د هېواد د تاريخ تر ټولو مهمه ورځ ده٬ پاك پوځ د ټول قام وياړ دے۔ د جمعې په ورځ د دفاع ورځې په موقع خپل پېغام كښې ده ووئيل د دفاع ورځ د پاك پوځ مړانې او قربانيو ته د عقيدت پېرزوئنو وړاندې كولو ورځ ده۔ په پاك پوځ قام وياړي۔ د دفاع ورځ د پاكستانو ځواكونو ستره كارنامه ده۔ ده ووئيل په دې ورځ د پاك وطن دفاع نه مسخر كېدونكې ثابت شوه٬ دښمن عبرتناكې ماتې سره مخ شو۔ د دفاع ورځ مونږ ته د شهيدانو قربانۍ رايادوي۔ ده ووئيل مونږ له به د شهيدانو د كورنيو په خاص توګه خيال ساتل وي۔ ده ووئيل ګران هېواد نن هم ترهګرۍ او د دښمن ناپاكه چالونو سره مخ دے٬ كه پاك پروردګار ته منظور وي ټول قام به په يووالي او ايمان دښمن ته يو وارې بيا ماتې وركوي۔
