اسلام آباد۔21 اګست(اے پی پی) وزیراعظم شهباز شریف وئيلي دي هېواد څخه د قاچاق ناسور په بشپړه توګه ختمولو لباره دې ټولې ادارې خپلې هلې ځلې ګړندۍ كړي٬ په قاچاق كښې ككړ وګړي به د پاكستان معيشت ته زيان رسولو ته پرې نه ښودلې شي۔ د شورؤ په ورځ د وزيراعظم آفس ميډيا ونګ لخوا د جاري شوي بيان له مخې د دې خيالاتو څرګندونه ده په خپله مشرۍ كښې د قاچاق مخنيوي په اړه د جاج اغستو غونډې ته خپله وېنا كښې وكړه۔ په غونډه كښې وفاقي وزيرانو جام کمال خان، احد خان چیمه، اورنګزیب، عطاء تارړ، سید محسن رضا نقوی، رانا تنویر حسین، ډاکټر مصدق ملک، د پلاننګ كمېشن دوهم چيئرمېن جهانزیب خان، د وزیرِاعظم کوآرډینېټر رانا احسان افضل، د څلورو واړو صوبو چيف سېكترانو او اړوندو اعلی چارواكو ګډون وكړو۔ په غونډه كښې وزيراعظم د قاچاق په ضد اقدامات د لا فعاله او ګړندي كولو هدايت وكړو۔ وزیراعظم ووئيل په قاچاق كښې ككړو كسانو ته به د پاكستان معيشت ته د زيان رسولو اجازه ورنه كړې شي ، د قاچاق مخنيوي له دې د عصري ټېكنالوجۍ كارول باوري كړې شي٬ په قاچاق كښې د ككړو عناصرو او د هغوي سهولت كارو سره سره دې په قاچاق كښې كاروېدونكې ګاډي ضبط كړے شي او د ټرانسپورټر په ضد دې قانوني كارروائي وكړې شي۔ وزيراعظم ووئيل دا خبره خوشبينه ده چې د اړوندو ادارو د كارروائيو په نتيجه كښې قاچاق كښې كمے رامخې ته شوے ۔ اېف بي آر ٬ داخله وزارت او نور ادارې دې خپلو كښې مرسته لا زياته كړي۔ ده ووئيل په پوله پرتو سيمو كښې خلقو ته د روزګار غوره آسانۍ وركولو له دې بشپړه تګلاره جوړه كړې شي٬ د قاچاق ناسور هېواد څخه ختمولو له دې ټولې ادارې خپلې هڅې ګړندۍ كړي۔ غونډې ته د قاچاق مخنيوي له د پورته كړے شوو ګامونو او تر دې دمه د ترلاسه شوو نتيجو په اړه بريفنګ وركړے شو۔ په بريفنګ كښې ووئيل شول د كورنيو چارو وزارت په نګرانۍ كښې د قاچاق مخنيوي له په ګرد هېواد كښې كمپائن روان دے۔ د پېټرولیم مصنوعات، سګرېټ، موبائل فونز، سرو زرو ، چايو، رخت، د ضروري څيزونو ، ټائرز او د ګاډو د پرزو قاچاق په ضد فعاله ګامونه پورته كولې شي۔ د قاچاق مخنيوي په دائره كار كښې ضروري څيزونو سره سره نور څيزونه هم شامل كړې شوي٬ د يوريا او چينو د قاچاق مخنيوي له د وېب پورټل اجراﺀ شوې ۔ په بريفنګ كښې ووئيل شول د وزيراعظم هدايت له مخې 54 پوستې جوړې كړې شوي۔ د نان کسټم ګاډو په ګوته كولو او د دې مېپنګ لپاره د نظام اجراﺀ حتمي پړاؤ ته رسېدلې ده۔ په افغان ټرېډ ټرانزټ كښی په شاملو 212 داسې څيزونو د كومو چې د قاچاق خطر ؤ بندېز لګولے شوے۔ افغان ټرانزټ ټرېد لپاره د انشورنس ګارنټي په ځائے بېنك ګارنټي لازمي ګرځولې شوې ۔ د ضروري څيزونو په قاچاق كښې كمي سره سره د پېټروليم مصنوعات په قاچاق كښې 50 فيصده كمے رامخې ته شوے ۔ د چينو په قاچاق كښې 80 فیصد كمي سره سره د خوراك څښاك په څيزونو كښی هم ښكاره كمے ےاغلے۔ د مالي كال 2023-24 په مهال د قاچاق هڅې شنډې كولو سره د ضبط كړے شوو څيزونو ماليت 106 اربه روپۍ دے۔ په قاچاق كښې د ككړو افسرانو په ضد د كارروايۍ په اړه هم غونډې ته ووئيل شول۔ په قاچاق كښې د ككړو عناصرو ٬ ټرانسپورټرز او دوئي د سهولت كارو په ګوته كولو عمل تندۍ سره روان دے۔ په دې لړ كښې نادرا ٬ اېكسائز او د نورو ادارو ډېټا بېس څخه هم مرسته ترلاسه كولې شي۔
