پېښور 14 مارچ (اے پي پي) د كورنيو چارو وفاقي وزير شېخ رشيد احمد په منطقه كښې د امن بحالې لپاره د فرنټيئر كور نارتھ پشمول د پاك پوځ ځوانانو ته د پېرزوينه وړاندې كولو سره وئيلي دي چې امن لپاره د فرنټيئر كور او د پاك پوځ افسرانو او ځوانانو د بهادرۍ لازوال داستانونه رقم كړي دي. ده دا خبرې د اتوار په ورځ د پېښور په سكاٶټس ټرېننګ اكېډمۍ كښې د فرنټيئر كور د 28م بېچ پاسنګ آٶټ پرېډ ته په خپله وېنا كښې وكړې.ده په دې موقع د پاسنګ آٶټ پرېډ معائنه وكړه. وفاقي وزير ځوانانو ته د فرنټيئر كور برخه په جوړېدو مباركي وركړه. وفاقي وزير شېخ رشيد احمد ووئيل چې امنيتي ځواكونو په پاكستان كښې امن لپاره ډېر قربانې وركړې دي. ده ووئيل چې په خېبر پښتونخوا امن لپاره فرنټيئر كور نه هېرېدونكې هڅې كړې دي. ده ووئيل چې په منطقه كښې د امن بحالې لپاره امنيتي ځواكونو لوئې قربانې وركړې دي.
