اسلام آباد 11 مارچ (اے پی پی)د بلوچستان وزيراعلٰی جام كمال وئېلي دي د سېنېټ چيئرمېن لپاره د صادق سنجراني او ډپټي چيئرمېن لپاره د مرزا محمد آفريدي نومول كېدل خوشبينه دي٬د سبا نمر به يو نوے زيرے راوړي٬بلوچستان هيله مند دے چې راتلونكو وختونو كښې به څيزونه نور هم بهتر شي٬د هم خياله اتحاديانو د ملګرتيا مننه كوو۔هېواد لپاره به ټولو له يو موټے كېدل وي٬مونږ به د صوبو ترمينځه د همغږۍ كردار ترسره كوو۔د زيارت په ورځ د سېنېټ چيئرمېن د چوكۍ كانديد صادق سنجراني او د دفاع وفاقي وزير پروېز خټك سره يوځاے مېډيا سره په خبرو كښې جام كمال ووئيل مونږ هيله مند يو چې بلوچستان به يو ځل بيا د سېنېټ د چيئرمېن د چوكۍ موقع ترلاسه كړي۔د پاكستان هغه صوبې كومې چې د پرمختګ په لحاظ د نورو صوبو په مقابل كښې وروستو پاتې دي۔د دې صوبو څخه په ايوان كښې د غړو نومول كېدل يو ښه زيرے دے۔په قامي اسمبلۍ كښې هم د ډپټي سپيكر په چوكۍ د بلوچستان نمائندګي ناست دے۔په دې موقع د دفاع وزير پروېز خټك ووئيل باور لرم چې د سېنېټ چيئرمېن ټاكنې لپاره به غړي سمه پريكړه وكړي۔صادق سنجراني د سېنېټ چيئرمېن لپاره وړاندې هم چې كله نومولے شوے ؤ نو زمونږ دا غوښتنه وه چې بلوچستان سره اودرېږئ ٬بلوچستان يو وړه او وروستو پاتې صوبه ده۔په فېډرېشن كښې د بلوچستان نمائندګي ضروري ده
