اسلام آباد 08مارچ (اے پی پی)داخله وزير شېخ رشيد احمد وئېلي دي عظيمو وسله والو ځواكونو او پوليس اهلكارو د ځانونو په قرباني وركولو ترهه ګرۍ له ماتې وركړې ٬په اسلام آباد٬پېنډۍ٬لاهور٬پېښور او كراچۍ كښې خطره ده٬تېره ورځ د پارليمان وړاندې چې څه شوي د هغې غندنه كوم٬مشرانو له هم د نيوز كنفرنس لپاره خاص ځاے ټاكل پكار وو٬په بجټ كښې به د سركاري ملازمانو تنخاګانې زياتې شي۔د دې خيالاتو څرګندونه ده د ګل په ورځ په پاكستان انسټي ټيوټ آف مېډيكل سائنسز(پمز) كښې مېډيا سره په خبرو كښې كړې۔ده ووئيل وسله والو ځواكونو او پوليس اهلكارو د ځان په قربانۍ وركولو ترهه ګرۍ له ماتې وركړې ۔ده ووئيل په شمالي او جنوبي وزيرستان كښې پاك پوځ پنځه ترهه ګر وژلي۔انشاﺀالله ترهه ګر به ماتې سره مخ كېږي او په هېواد كښې به د امن او سكون فضا جوړه شي۔ده ووئيل تېره ورځ په پېنډۍ اسلام آباد كښې دوه پوليس اهلكار شهيدان شوي په كومو چې ډېر خفه شوے يم۔ده ووئيل نېكټا او نورو ادارو اطلاع راكړې چې هلال او عدنان رشيد كمانډر په پېنډۍ او اسلام آباد كښې ايكټو دي۔ده ووئيل د شهيدانو پیكج له مخې به د شهيدانو كورنۍ له 2 كروړ 75 لكه روپو پیكج وركولې شي۔ده ووئيل د خوږ وطن لپاره پوليس او د پاك پوځ ځواكونو د ترهه ګرۍ په ضد جنګ كښې ډېرې قربانۍ وركړي۔ده ووئيل تېره ورځ د پارليمان وړاندې چې څه شوي د هغې غندنه كوم٬مشرانو له هم د نيوز كنفرنس لپاره خاص ځاې ټاكل پكار وو٬چې څنګه د پېښې اطلاع ترلاسه شوه آئي جي اسلام آباد ته مې په ټېليفون د امنيت سپارښتنه كړې
