اسلام آباد 03 فروري (اے پي پي) د كشمير پارلماني كمېټې چيئرمېن شهريار خان آفريدي په مشرې كښې د كشمير كمېټې غونډه د شورو په ورځ وشوه. په غونډه كښې خارجه وزير شاه محمود قريشي او معيد يوسف هم ګډون وكړو. په دې موقع د كشمير كمېټې چيئرمېن ووئيل چې د نړۍ په ټولو فورمونو د كشمير مسئلې حل لپاره د كشمير كمېټي فعاله اېكشن پلان تشكيل كوي او په دې لړ كښې كمېټي او پوهان په كار بوخت دي. كمېټې په اتفاق سره د وفاقي حكومت د كشمير پالېسې او د اېكشن پلان د بشپړه ملاتړ څرګندونه وكړه. په دې موقع خارجه وزير شاه محمود قريشي او د قومي سلامتيا سلاكار معيد يوسف د كشمير يووالي ورځ لمانځنې په اره د حكومت د حكمت عملې نه ګډون كوونكي خبر كړل. د كشمير كمېټې چيئرمېن شهريار آفريدي ووئيل چې د كشمير كمېټي په ټولو ممكنه ځايونو اېډوائزري بورډز او ذيلي كمېټې تشكيل كولو لپاره كار كوي. د كشمير كمېټي د روايتي لار نه علاوه په كشمير د يوې تاريخي بيانيې تشكيل لپاره هڅې كوي. ده ووئيل چې كشمير كمېټي پاكستان ټېلي كميونيكېشن اتهارټۍ سره په ګډه په ډېجيټل نړۍ كښې برابرې لپاره كار كوي او په دې لړ كښې اېډوائزري بورډ هم تشكيل كړے شوے. ده ووئيل چې كمېټې سول سوسائيټي فعالولو سره په نړيواله كچه په 22 نړيوالو فورمونو د كشمير مسئله په ډاګه كولو لپاره نشاندهي كړې
