اسلام آباد۔20 دسمبر(اے پی پی) وزیراعظم عمران خان په نړيواله ورورولۍ ښكاره كړې ده چې كه د هند لخوا د پاكستان په ضد د جعلي فلېګ آپرېشن حماقت وكړے شو نو په هره كچه به ئې بشپړه ځواب وركولے شي۔ د اتوار په ورځ خپل ټويټ كښې هغه ووئيل چې د هند لخوا په روان كال كښې په لائن آف كنټرول او وركنګ باؤنډيري د سيز فائر درې زره ځله خلاف ورزي شوې ده او د بې درېغه ډزو د لارې د عام وګړو د نخښې جوړولو په نتيجه كښې 276 كسان په حق رسېدلې دي۔ كومو كښی چې 92 مېرمنې او 68 كوچنيان شامل دي۔ وزيراعظم عمران خان ووئيل پاكستان او انډيا لپاره د ملګرو ملتونو د پوځي مبصر ډلې ګاډې په نخښه كول د نړيوال قانون خلاف ورزي ده۔ په دغه ګاډي د ملګرو ملتونو ښكاره نخښه وه او په هغې شين بېرغ رپېدلو۔ د هند دا ګام د كوم هم ذمه وار رياست د اقدارو ٬ د نړيوالو او د ملګرو ملتونو د قانونو دروغ ګرځولو برابر دے۔ وزيراعظم نړيوالې ورورولۍ ته غږ وكړو چې هند اقتصادی ستونزو ، د كوروندګرو زيات شوي لاريون او په كووډ 19 قابو موندلو له غلطې تګلارې څخه پام بل پلو اړولو د پاكستان په ضد جعلي فلېګ آپرېشن كولے شي۔ وزيراعظم ووئيل زه دا په ډاګه كول غواړم چې كه هند بې پرواه كېدو سره د پاكستان په ضد كوم جعلي فلېګ آپرېشن وكړو نو پاكستان به ئې عزم سره مقابله كوي او په هره كچه به ئې خله ماتې ځواب كولے شي۔ ځكه هند بايد كومه غلطي ونكړي
