اسلام آباد۔15نومبر(اے پی پی) د بېلا بېلو هېوادونو استازو، چارواکو، د رسنیو استازو او کارپوهانو او همدارنګه د نړيوالو مشرانو د آذربایجان لخوا موسمياتي بدلون سره اړوند د ملګرو ملتونو د فرېم ورك كنونشن 29 مې غونډې كاميابۍ سره د ترسره كېدو ستائنه كولو سره هيله ولرله چې د دې به ګټورې نتيجې رامخې ته شي۔ د آذربايجان د خبري اژانس د خبر له مخې، وزيراعظم شهباز شريف د آذربايجان اولس مشر الهام عليوف ته په باكو كښې د كاپ-29 په بريالۍ توګه ترسره كېدو مباركي وركړه او هغه يې يو ګران ورور وباله۔ د مصر وزیراعظم مصطفی مدبولي د كوپ – 29 د لوړې کچې غونډې په كېدو د آذربایجان مننه وکړه او په هیواد کښې د كامياب كنفرنس كولو له يۍ خپلې نېکې هیلې څرګندې کړې۔ د ايټاليا وزيراعظمې جورجيا ميلوني وويل چې د آذربايجان په مشرۍ كښې د كوپ – 29 په كېدو راته خوشحالي شوې ده كومه چې امن لپاره د آب وهوا د اقدام برخه بايد وګڼلې شي۔ دې د كوپ – 29 په تابيا كېدو د آذربائيجان د صدر ستائنه وكړه۔ د جارجيا وزير اعظم اراکلي کوبخدزے هم د کوپ 29 په غوره ډول كېدو د د آذربایجان د ولسمشر ستاینه وکړه۔ د کانګو جمهوریت وزيراعظم جوډتھ سومینوا تولوکا په باکو کښې بشریت لپاره د دې مهمې غونډې په کوربه توب كولو د آذربایجان او په ذاتي توګه د اولسمشر الهام علییف مننه وکړه۔ د مالدووا اولسمشر مایا سانډو په باکو کې د کوپ 29 په کوربه توب اولسمشر الهام علییف او د آذربایجان د حکومت د زړه له کومې څخه مننه وکړه۔ د ګريناډا وزيراعظم ٬ د کېرېبیئن كميونټي چيئرمېن ٬ ډكن مچل باور څرګند کړو چې كوپ – 29 به د ګډ كوپ په توګه ياد ساتلې شي۔ د ګرين كلائمېټ فنډ (جي سي اېف) اېګزېكټيو ډائرېكټر مافلدا ډوارټے په دې خبره زور راوړو چې جي سي اېف فنډنګ ته لاس رسي باوري كولو له مهم ګامونه پورته كړې دي۔ د زیانونو او خطرونو د مخنيوي لپاره د فنډ اېګزېكټو ډائرېكټر ابراهيما شېخ ډيونګ د فنډ د فعاليتونو په پېل كښې د آذربائيجان په مشرتابه زور راوړو او او د هېوادونو له خوا یې د نویو مالي لوظونو پلو پام وګرځولو۔
