اسلام آباد۔9مارچ (اے پی پی)د اطلاعات او خپرونو وفاقي وزير سېنېټر شبلي فراز وئيلي دي بلاول بھټو او مريم نواز دواړه په ګډه د جمهوريت نه انتقام اخلي۔ د پېسې د لارې د خلقو د ضميرونو سودا كولو هڅې كوي او بيا د جمهوريت شاته پټېږي۔ د نهې په ورځ خپل ټويټ كښې هغه ووئيل په ګوندونو قبضه كوؤنكي كه دومره اهل او قابل وو نو د كاركن په توګه به ګوند ته راغلي وو۔ موروثی سیاست كوؤنكي خپل بچي په قام مسلط كول غواړي۔ هغه ووئيل اولس د دوي د نوې دھوكې نه ښه خبر دے۔ دوي غواړي چې د لوټ مار دا كاروبار دغسې روان پاتې شي۔ اولس له به پرېكړه كول وي چې د كرپشن دا فرنچائز ختمول دي يا دوي ته د لوټ كولو لائسنس وركول دي۔ د اطلاعات وفاقي وزير ووئيل كه محمد نواز شریف د ووټ په عزت باور لرلو نو هغه به په پاكستان كښې ؤ ۔ مولانا فضل الرحمان خپل زوي خپل جانشين جوړوي۔ هغه ووئيل وزيراعظم عمران خان د اولس لوټ كوؤنكو او موروثي سياست كوؤنكو په لاره كښې تر ټولو لوي دېوال دے
