اسلام آباد۔7مارچ (اے پی پی) د قومي اسمبلۍ سپيكر اسد قېصر تېره ورځ د پارليمنټ هاؤس مخې ته په رامخې ته شوې ناوړه پېښه د افسوس څرګندونه كولو سره وئيلي دا ډول پېښی د افسوس او غندنې وړ دي۔ د اتوار په ورځ خپل بيان كښې هغه ووئيل په سياست كښې به د شائستګۍ ٬ زغم او روادارۍ كلتور خپلول وي۔ پارليماني غړي ټاكلې شوي استازي دي عزت ئې په ټولو لازم دے۔ مونږ له به سياست كښې د زغم او بردبارۍ څرګندونه كول وي۔ هغه ووئيل د دې پېښې بايد پلټنې وكړې شي او د دې ډول پېښو مخنيوي له به سياسي مشرتابه له خپل كردار ترسره كول وي۔
