اسلام آباد 06 جنوری (اے پی پی) خارجه وزير شاه محمود قریشی وئيلي دي پاكستان د افریقائې هېوادونو سره دوه اړخيزه اړيكې مهمې ګڼي، مونږ روایتی سفارت كاري د معاشی سفارت كارۍ سره برابر كړې، د كورونا وبا باوجود زمونږ د بهرني تجارت حجم 7 فیصد زيات شوے ۔د ”انګیج افریقه پالیسۍ” ترمخه خارجه وزير مخدوم شاه محمود قریشی په مشرۍ كښې د معاشی سفارت كارۍ دريمه غونډه د شورو په ورځ خارجه وزارت كښې شوې ۔په غونډه كښې خارجه سیكرټری سهیل محمود او د خارجه وزارت سینئر افسرانو دغسې افریقه كښې د 14 پاكستانو سفارتخانو مشرانو /سفيرانو ورچول ګډون كولو۔ په افریقائې هېوادونو كښې د پاكستان سفيرانو د معاشي سفارت كارۍ ترمخه د خارجه وزارت د ترسره كړو اهدافو نه خارجه وزير خبر كړو ۔ خارجه وزير ووئيل معاشی سفارت كاری يواځې درآمدات او تر برآمدات محدود نه ده بلكه دا يو ګڼ اړخيزه او كوټلې عمل دے چې بكښې د سرمایه كارۍ، خذمات، سیلګري، د ټیكنالوجۍ تبادله او د نورو څانګو دوه اړخيزه مرستې ته وده وركول هم شامل ده ۔مونږ روائتي سفارت كاری د معاشی سفارت كارۍ سره برابر كړې۔خارجه وزير ووئيل پاكستان د افریقائي هېوادونو سره دوه اړخيزه اړيكو ته اهميت وركوي۔خارجه وزير ووئيل پاكستان د افریقائې هېوادونو بهرني تسلط څخه خلاصي له په هلو ځلو كښې د هغوي معاونت كړے ۔پاكستان د اوږدې مودې راهسې افریقائې هېوادونو كښې د امن راوستو لپاره د ملګرو ملتونو پیس كیپنګ آپریشنز كښې فعاله او ښه كردار ترسره كوي۔زياتره افریقائي هېوادونه د او آئی سی غړي دي او هغوي په نړيواله كچه د كشمير مسئلې په اړه د پاكستان د موقف تائید او مرستې له غږ پورته كوي۔خارجه وزير ووئيل افریقا د 1.3 اربه آبادۍ لرونكے د 54 هېوادونو براعظم دے خو د بده مرغه افریقې سره زمونږ سفارتی رابطې تندې نه دي۔
