اسلام آباد 25 دسمبر(اے پي پي) صدر ډاکټر عارف علوي وئيلي دي د پاكستان آئين له مخې هر وګړي ته د مذهب او عبادت آزادي ترلاسه ده ٬ د رياست د مساوي وګړي په حېث حكومت اقليتونو ته د خپلو صلاحيتونو د بشپړه كارولو موقعې وركوي٬ زمونږ پاليسۍ د مذهبونو او عيقدو ترمېنځه د همغږۍ او يوالي په وده مركوز دي، د پاکستان حکومت د ټولو اقليتونو د خېرښګړې لپاره اقدامات كوي او مساوي د انصاف اصول برقراره ساتلو له بشپړه هڅه كوي۔ د کرسمس په مناسبت سره خپل پېغام كښې صدر ووئيل زه د كرسمس خوشحالۍ په موقع پاکستان او ګرده نرۍ كښې مسيحي ورورولۍ له د كرسمس او نوي كال مباركي وركوم۔ ده ووئيل كرسمس پخپلو مينه والو د نعمتونو او خوشحالو وېشلو ورځ ده٬ نن مونږ حضرت عيسيٰؑ ؑ ته پېرزوئنې وړاندې كوٶ څوك چې ټول انسانيت لپاره د امن ٬ ورورولۍ او احترام علامت دے٬ ھغوي نه يوازې په روحاني توګه رنځور انسانيت له شفاﺀ وركړې بلكې رواداري، مينې او د همدردۍ د اعليٰ اقدارو تلقين ئې هم كړے٬ ھغوي ټولو له د امن٬ ينې او معافۍ پېغام وركړے۔ صدر ډاكټر عارف علوي ووئيل د ﷲ تعاليٰ د پيغمبر په حېث حضرت مسيحؑ عيسائيونو او مسلمانانو لپاره د تكريم وړ دے۔ ده ووئيل بابائے قوم قائداعظم محمد علي جناحؒ د اقليتونو د حقونو لوي مرستياله ؤ۔ ھغوي په كال 1948 كښې د مارچ په مياشت كښې واضح كړې وه چې د هرې ورورولۍ غړي به د پاكستان وګړي ګڼړلے شي، دوي ته به مساوي حقونه، مراعات او ذمه دارۍ ترلاسه وي او د دوي به تحفظ كولے شي۔ صدر ووئيل د خوشحالۍ په دې موقع زه خپلو مسيحي وروڼو ته د دوي په حب الوطنۍ او هېواد لپاره په ستړو كولو پېرزوئنې وړاندې كوم ٬ مونږ په مسيحي ورورولۍ فخر كوٶ ، دوي زمونږ د کثير اللساني او کثير العقائد ټولنې لازمي برخه دي٬ نن مونږ د ټولو مذهبونو او وروروليو په شريك احترام آډانه د ټولنې تعمير لپاره د عزم پخلے كوٶ، يوه داسې رواداره ټولنه او رياست كوم چې خپلو ټولو وګړو ته مساوي حقونه او موقعې وركوي٬ په مونږ ټولو دې اﷲ تعاليٰ رحمتونه وي۔(
