اسلام آباد 02اګست (اے پي پي)وزيراعظم محمد شهباز شريف د اسماعيل هانيه د قتل غندنه كولو سره وئيلي دي فلسطين او د غزه په صورتحال د نړيوالې ورورولۍ ضمير ويخېدل پكار دي٬ د آئي پي پيز د کپيسټي پيمنټ پشمول د بجلۍ څانګې مسئلو حل لپاره هڅې كوٶ٬ اولس ته ريليف وركولو لپاره ټول ممكن اقدامات كوٶ ۔ ده د دې خيالاتو څرګندونه د جمعې په ورځ د وفاقي كابينې غونډې ته خپلې وېنا كښې وكړه۔ وزيراعظم ووئيل اسماعيل هانيه په بې دړدۍ سره په ايران كښې شهيد كړے شوے٬ پاکستان، ترکيه او د ماليزيا پشمول يو شمېر هېوادونو د دې غندنه كړې ٬ اتحادي ګوندونو هم د دې غندنه كړې ده٬ د نړيوالو ادارو ضمير ويخېدل پكار دي٬ په غزه او فلسطين كښې بدترين تباهي روانه ده٬ يوه امېدواره مېرمن په بې دړدۍ سره شهيده كړې شوې٬ د جمعې مونځ نه وروستو به د اسماعيل هانيه غائبانه جنازه ادا كولې شي٬ زه او ټول وزيران به په كښې ګډون كوٶ۔ وزيراعظم ووئيل د بجلۍ بحران حل لپاره شپه او ورځ هڅې كوٶ٬ زمونږ سياست اولسي خدمت دے٬ د پخواني وزيراعظم نواز شريف په دور كښې 20 ٬ 20 ساعته لوډېشېډنګ ختم كړے شوے٬ ما د سي پېك له مخې په كال 2015 كښې پاكستان كښې د سرمايه كارۍ عنديه وركرې وه ٬ د سي پېك له مخې د بجلغ منصوبې ولګېدلې٬ د اېل اېن جي څلور پلانټ ولګېدل٬ 5 زره مېګاٶاټ بجلي پېدا كړې شوه٬ په ھغه دور كښې تر ټولو ارزان پلانټ لګولي شوي٬ مونږ د هېواد د دې چېلنج حل لپاره د زړه د اخلاصه هڅې كوٶ۔ ده ووئېل مونږ د تېرو څو مياشتو په مهال په دې لړ كښې يو شمېر اقدامات كړي٬ ارزانه بجلي زمونږ او د اتحادي حكومت اېجنډا ده٬ په دې سياست د اولسي د توهين مترادت دے٬ دا د ټول قام او بې وسه اولس مطالبه ده چې د بجلۍ مسئله دې حل كړې شي۔ ده ووئېل دا پېچلې معامله ده٬ كه د كرپشن نه په پاكولو كښې كامياب شو نو مسئله به حل شي٬ د اولس د مسئلو ادراك لرو٬ د يو خاص ګوند په خېبرپښتونخوا كښې د لسو كالو راهسې حكومت دے ٬ ھغوي هلته څومره منصوبې ولګولې؟ډېمونه ئې جوړ كړل؟٬ د پن بجلۍ په منصوبو كښې ئې څومره سرمايه كاري كړې؟٬ خبرې كول آسانې او عمل ګران دے۔ ده ووئيل په بلوچستان كښې ټيوب ويلونو لپاره د بجلۍ په مد كښې اربونه روپۍ ضائع كېدې٬ هلته د نمر توان د لارې د 70 اربه روپو منصوبه پېل كوٶ٬ چې پكښې به 55 اربه وفاق او نورې صوبه وركوي٬د بلوچستان اولس لپاره پرلت وهونكو هم غږ پورته كړے٬ چې دا سياست لپاره سياست دے ده ووئيل د بجلۍ غلا مخ نيوي لپاره اقدامات شوي٬ نګران حكومت هم په دې لړ كښې موثره اقدامات كړي وٶ٬ په دې معامله د سرلښكر عزم واضحه دے٬ بايد مونږ اجتماعي هڅې وكړو٬ ټولو آئيني ادارو له پخپل حدود كښې كار كول پكار دي ٬ سندھ او پنجاب د بجلۍ غلا مخنيوي له بشپړه مرسته كوي٬ هېواد ته د رامخې ته مسئلو يوازنې حل “هول آف دي ګورنمنټ اپروچ”دے۔ ده ووئېل پهټيکس نيټ كښې اضافه ضروري ده٬ خو په ټېكس وركوٶنكو نور ټېكس لګول نامناسب دي٬په تنخواه داره طبقه ټېكس كښې اضافه شوې٬ د دې احساس لرو۔ وزيراعظم ووئيل 200 يونټ بجلي استعمالوونكو ته رعايت وركړے شوے ٬ تر 500 يونټ بجلي استعمالوٶنكو ته ريليف وركولو له په اقدامات غور كوٶ٬ د بجلغ د بلونو په ادا كولو كښې سهولت لپاره 50 اربه روپۍ وركړې شوي٬ د بجلۍ په بلونو جمع كولو كښې د لسو ورځو ريليف وركړے شوے ۔ ده ووئېل په بجټ كښې صنعتونو لپاره د بجلۍ په بيعه كښې د يونټ په سر اته روپۍ كمے كړے شوے۔ د “ابسلوټلي ناټ” ويونكو اقداماتو څخه سفارتي اړيكو ته زيان رسېدلے٬ د بجلۍ په بيعه كښې كمي سره به د برامدات په خرڅونو كښې كمے راشي ٬ حکومت آئي پي پيز لپاره په تندۍ سره كار كوي٬ ډېر زر به د دوي معامله حل شي٬ ځينې نجي آئي پي پيز خپل قرض ادا كړے٬ ځينو له دا قرضه ادا كول ده٬ په دې معامله چين ته ري پروفائلنګ لپاره چيټۍ شوې۔ ده ووئېل د چين صدر سره په ملاقات كښې په درآمدي ايندھن د بجلۍ د پېداوار منتقلۍ په حواله خبر كړې شوې۔ وزيراعظم ووئيل د اولس مسئلو نه ښه خبر يو او ددې هواري لپاره هڅې كوٶ٬ مونږ له به د لنډې او اوږدې مودې په منصوبو كار كول وي۔
