اسلام آباد 26 اګست (اے پي پي) د هېنډي كېپ انټرنيشنل پاكستان “لرننګ، ايكټنګ او بلډنګ فار ري هيبليټيشن ان هيلتھ سسټمز (ReLAB-HS)” پراجيكټ له مخې دوه ورځنے پاليسي ګول مېز كنفرنس وشو چې مقصد ئې په هېواد كښې د صحت په نظام كښې د جسماني بحالۍ سهولتونه زياتول او مستحكم كول وٶ٬ په اسلام آباد كښې د ګول ميز كنفرنس خاص مېلمه تل پاتي پرمختيائي هدفونو لپاره د پارليماني ټاسك فورس كنوينئر بلال اظهر كياني ٶ٬ كنفرنس كښې د نېشنل رورل سپورټ پروګرام سي اي او ډاكټر راشد باجوه، د لېب اېچ اېس سينئر سلاحكار ډاكټر عبدالغفار،د پنجاب وزيراعليٰ د صحت سلاحكار، ډاكټر اظهر محمود كياني، ګلوبل كوآرډينيټر، ډاكټر ضيا داوړ، صوبائي سلاحكار ډاكټر صفي ملك پشمول حكومتي٬ د اېن جي اوز، ورلډ هيلتھ آرګنائزيشن او د صحت او جسماني بحالۍ څانګې مهمو سټيك هولډرز ګډون وكړو ۔ په دې موقع بلال اظهر كياني ووئيل وفاقي حكومت صوبو سره په ګډه اولس ته د صحت سهولتونه وركوي۔ ده ووئيل د صحت جامع سهولتونه وركولو لپاره هڅې كوٶ۔ په دې موقع د نېشنل رورل سپورټ پروګرام (اېن آر اېس پي) سي اي او ډاكټر راشد باجوه٬ د پنجاب وزيراعليٰ د صحت سلاحكار ډاكټر اظهر محمود كياني او نورو هم وېنا وكړه۔
