اسلام آباد۔30جولائی (اے پي پي) د خزانې وزارت وئېلي دي د حکومتي ګامونو په نتیجه كښې د ټول معیشت استحکام باوري كولو لپاره مرسته تر لاسه شوې ، د معیشت مهمې اشاری د ښه والي عکاسی کوي ، د كركېلې پیداوار، برآمدات او ترسیلات زر كښې د زياتوالي راتللو دا لړۍ به روانه وي ، د لويو صنعتونو په پیداوار كښې زياتوالے او افراط زر په شرح كښې پرله پسې کمے راتللو نه د معیشت د ښه والي عکاسی كېږي ۔ د خزانې وزارت د اړخه جاري كړي مياشتني اقتصادي اپ ډیټ تر مخه د مالي كال 2024ء په مهال د پاکستان معیشت د استحکام په لاره روان شو ، د افراط زر په شرح كښې ښكاره کمے راغلو ، د تېر مالي كال په وړومبو 11 مياشتو كښې د روانو حسابونو په خسارہ كښې کمے وشو، زرعي څانګې ښه کارکردګي وښودله او د لويو صنعتونو پیداوار د زياتېدو پوزیشن ته ورسېد ۔ راپور ترمخه په مالي كال 2024ء كښې د زرعي ټریکټرو په پیداوار كښې د 43.5 فیصد شرح څخه نمو ریکارډ کړې شوه، د كركېلې پورونو حجم 1972.8 اربه روپۍ ریکارډ کړے شو كوم چې د تېر مالي كال په مقابل كښې 26 فیصد زیادت دے، پنجاب كښې 1.304 ملین هیکټر زمكه باندې پومبه كرلې شوې او هدف 1.680 ملین هیکټر ؤ ، سندھ كښې 0.550 ملین هیکټر زمكه باندې پومبه كرلې شوې او دغلته هدف 0.630 ملین هیکټر مقرر شوے ؤ۔ په خریف موسم كښې د سرې د کھپت حجم 1210 زره ټنه ؤ كوم چې د تېر خریف په مقابل كښې 18.1 فیصد کم دے ۔ د ډي اے پي د کھپت حجم 256 زره ټنه ریکارډ کړے شو كوم جې د تېر سیزن په مقابل كښې 6.8 فیصد کم دے خو د دې باوجود په سندھ او پنجاب كښې د پومبې لپاره د ښو تخمونو وركړه باوري كرې شوې جې په سبب ئې د پیداوار زياتېدو هيله ده ۔ د سیمنټ په کھپت كښې 1.6 فیصد زياتوالے راغلے او په مجموعي توګه 45.3 ملین ټن د سیمنټ کھپت ریکارډ کړے شو۔ دغسې د ځائي کھپت حجم 38.2 ملین ټن ریکارډ کړے شو كوم چې د تېر كال په مقابل كښې 4.6 فیصد لږ دے خو د سیمنټ برآمدات كښې 55.7 فیصد په شرح څخه زياتوالے رېكارډ کړے شو او په مجموعي توګه 7.1 ملین ټن سیمنټ برآمد كول ریکارډ شول۔ د راپور تر مخه جون كښې د صارفینو لپاره د بيعو عمومي اشاریه 12.6 فیصد ریکارډ کړې شوه كومه چې په مئي كښې 11.8 فیصد او د تېر كال جون كښې 29.4 فیصد وه ۔ دغسې اوسط كلنه افراط زر 29.2 فیصد نه په پرېتو 23.4 فیصد كچې ته راغلو ۔ د اقتصادي اپ ډیټ تر مخه د تېر مالي كال په وړومبو 11 مياشتو كښې مالي خسارہ د جي ډي پي په تناسب سره د 5.5 فیصد كچې نه په کمېدو 4.9 فیصد كچې ته راوستلې شوه۔ د پرائمري بیلنس حجم 1620.5 ارب روپۍ ریکارډ کړے شو كوم چې د جي ډي پي 1.5 فیصد جوړېږي۔ د تېرمالي كال وړومبو 11 مياشتو كښې مجموعي وفاقي محاصل 6202.6 ارب روپۍ ریکارډ کړے شول كوم جې د تېر كال په مقابل كښې 49 فیصد زیات دي ۔ نان ټیکس ریونیو كښې د 90 فیصد په شرح زياتوالے وليدے شو ۔ د ایف بي آر مجموعي محاصل 9311 اربه روپۍ ریکارډ کړے شوي كوم چې د تېر كال په مقابل كښې 30 فیصد زیات دي۔ نيغ په نيغه ټیکسونو كښې 38.5 فیصد او په سیلز ټیکس، فیډرل ایکسائز ډیوټي او کسټم ډیوټي كښې پرله پسې 19.6 فیصد، 56.1 فیصد او 18.5 فیصد په شرح څخه نمو ریکارډ کړې شوه ۔ د خزانې وزارت تر مخه برآمدات او ترسیلات زر كښې د اضافې په سبب مالی كال 2024ء كښې د روانو حسابونو د کھاتو خسارہ 0.7 ارب ډالر پورې محدود کړې شوه كومه چې په مالي كال 2023ء كښې 3.3 ارب ډالر وه ۔ د څيزونو د برآمدات حجم 31.1 ارب ډالر ریکارډ کړے شو كوم چې د تېر مالي په مقابل كښې 11.5 فیصد زیات دے ۔ د درآمدات حجم 53.2 ارب ډالر ریکارډ کړے شو كوم چې به مالي كال 2023ء كښې 52.3 ارب ډالره ؤ ۔ مجموعي تجارتي خسارہ 22.1 ارب ډالر ریکارډ کړې شوه كومه چې په تېر مالي كال كښې 24.8 ارب ډالره وه ۔ دغسې د تېر مالي كال نېغ په نېغه بهرنۍ سرمایه کاري 1.9 ارب ډالر ریکارډ کړې شوه كومه چې د هغه بل مالي كال په مقابل كښې 16.9 فیصد زیاته ده ۔ د بجلۍ په څانګه كښې تر ټولو زیاته 799.9 ملین ډالر نيغ په نيغه بهرنۍ سرمایه کاري ریکارډ کړې شوه كومه چې د ټولې نېغ په نېغه بهرنۍ سرمایه کارۍ 42.1 فیصد جوړېږي۔ د تیلو او ګیس په څانګه كښې 303.6 ملین ډالر نيغ په نيغه بهرنۍ سرمایه کاري ریکارډ كړې شوه ۔ دغسې د تېر مالي كال په مهال د سمندر پورې پاکستانیانو ترسیلات زر 30.3 ارب ډالر ریکارډ کړے شول كوم چې د مالي كال 2023ء په مقابل كښې10.7 فیصد زیات دي۔ د زرمبادله پانګې په هېواد كښې تر 12 جولائي 2 14.7 ارب ډالر ریکارډ کړې شوې چې پكښې سټیټ بینک سره 9.4 ارب ډالره وو۔ د اقتصادي اپ ډیټ تر مخه د تېر كال ستمبر څخه د پاکستان سټاک ایکسچینج کارکردګي مخ په ښه كېدو ده ۔ په جون كښې د کے ایس اي هنډرډ انډیکس كښې 2566 پوائنټس ښكاره اضافه وشوه۔ د جون په اخر كښې انډیکس 78445 پوائنټس ته رسېدلے ؤ۔ دغسې په جون كښې مارکیټ کیپټلائزیشن كښې 205 ارب روپۍ زياتې شوې۔ د خزانې وزارت تر مخه مالي كال 2025ء لپاره د زرعي څانګې ترقۍ لپاره هدف 2 فیصد وټاكلے شو خو په تېر كال كښې د دې څانګې د ښې کارکردګی په وجه روان مالي كال كښې د ښكاره ښه والي راتللو امکان دے۔
