اسلام آباد 22 اګست (اے پي پي) د داخله وزير سيد محسن نقوي په مشرۍ كښې د امن او امان جاج اغستو لپاره د لوړې كچې غونډه وشوه۔ د داخله وزارت لخوا د جاري بيان له مخې داخله وزير ووئيل رېډ زون ته د ننوتلو اجازه چاته هم وركولې نه شؤ ٬ امن په ځائ ساتل زمونږ وړومبۍ ترجيح ده۔ ده ووئيل احتجاج كول د هر چا حق دے٬ بايد احتجاج په مناسب ځاے كښې وشي او د دې د لاسه د اولس معمولات اغېزمن نه شي۔ وفاقي وزير محسن نقوي ووئيل د اولس د ځان او مال تحفظ وړومبۍ ترجيح ده او دې لپاره به د قانون عملداري باوري كول وي۔ سيد محسن نقوي ووئيل د قانون د خلاف ورزۍ په صورت كښې به قانون په حركت كښې راځي۔ په غونډه كښې د امن عامه د صورتحال تفصيلي جاج واغستے شو۔
