اسلام آباد 01 اګست (اے پي پي) وزيراعظم محمد شهباز شريف وئيلي دي چين او پاکستان په لازوله رشته تړلي شوي٬ د چين وګړو ته د ويزے وركولو پرېكړه شوې په كومه به چې د 14م اګست څخه عملدرامد كېږي، مشتركه منصوبې د دواړو هېوادونو په ګټه دي٬ د مشتركه منصوبو د لارې د چين صنعت پاكستان ته منتقلي به ګټوره وي۔ د دې خيالاتو څرګندونه ده د زيارت په ورځ د چين د لوړې كچې دولس كسيز پلاوي سره په ملاقات كښې كړې د كومې مشري چي وانګ فوکانګ كوله۔ په دې موقع نائب وزيراعظم او خارجه وزير اسحاق ډار، وفاقي وزيران سيد محسن نقوي، احسن اقبال، محمد اورنګزيب، احد خان چيمه، خاص مرستيال طارق فاطمي، د وزيراعظم کوآرډينيټر رانا احسان افضل سره سره د چين سفير جيانګ زائيډونګ او اړوندو چارواكو ګډون وكړو۔ د چين پلاوې د وزيراعظم د چين دورې نه پس د چين لخوا پاکستان كښې په بېلا بېلو څانګو كښې مرستې او همكارۍ لپاره د پاكستان په دوره راغلے٬ د چين په دولس كسيز پلاوي كښې لس كسان د بېلا بېلو وزارتونو نمائندګان دي۔ وزيراعظم د چين صدر شي جن پنګ او وزيراعظم لي چيانګ خاص مننه كولو سره د چين د پلاوي هركلے وكړو۔ د چين د پوهانو د لوړې كچې پلاوي به پاکستان كښې د چين د سرمايه کارۍ٬ د سي پېك د دوېم پړاٶ پحقله همكارۍ ٬ مرستې او د پاکستان برآمدات ته وده وركولو لپاره خپله رائے وړاندې كوي۔ وزيراعظم پخپلو ابتدائي خبرو كښې پلاوې د پاكستان په بېلا بېلو څانګو كښې د سرمايه کاري استعداد په اړه خبر كړو۔ وزيراعظم پلاوي سره د بشام په پېښه د پاكستان حكومت او اولس لخوا د افسوس څرګندونه كولو سره ووئيل چې په پېښه كښې ككړ كسان نيولي شوي او دغې كسانو ته به د قانون له مخې سزا وركولې شي٬ پاکستان د چين وګړو لپاره فول پروف امنيتي اقدامات كړي۔ وزيراعظم ووئيل دواړو هېوادونو دوستي د غرونه نه لوړه او د سمندر نه ژوره ده، د چين په مرسته پاکستان خپل سټېلائټ مشن مكمل كړے۔ د چين پلاوې به په پاكستان كښې د بېلا بېلو وزارتونو، د څانګو پوهانو سره ملاقاتونه كوي او د بېلا بېلو ځايونو به دوره كوي ۔ د چين پلاوې به انفارميشن ټيکنالوجي، زراعت، صنعت، سرمايه کاري، توان، معدنيات او کان کنۍ، سپيشل اکنامک زونز او د مواصلات په څانګه كښې د مرستې ودې له وړاندېزونه وركوي
