اسلام آباد۔27دسمبر(اے پی پی) د كورنيو چارو وفاقي وزير محسن نقوي په هدايت په سی۔ 14 سېکټر كښې پرمختيائي كارونه پېل كړې شوي۔ د پلاټس بکنګ تر 30 دسمبر او الاټمنټ لپاره اوپن قرعه اندازي به په 14 جنورۍ كيږي۔ وفاقی وزیر د نوې جوړېدونكي سېکټر سی-14 دورہ وكړه او د پرمختيائي كارونو يۍ بشپړ جاج واغست۔ وفاقي وزير سي ډي اے ته د سېکټر سی 14 پرمختيائي كار تر 15 فرورۍ د بشپړولو ټاسك وركړو۔ وفاقي وزير ووئيل سېکټر سی۔ 14 په خاص توګه اوورسیز پاکستانیانو او ځايي كسانو له جوړولې شي۔ سېکټر سي ۔ 14 د اسلام آباد په پرائم لوکېشن كښې دے۔ وفاقي وزير هدايت وكړو چې د پرمختيائي كارونو بشپړېدو سره دې الاټيز ته د هغوي د پلاټس قبضه وركړې شي۔ په دې موقع وفاقي وزير د سي ډي اے چارواكو ته د قبضه مافيا په ضد د كارروايۍ كولو هم امر وكړو۔ ده ووئيل د مارګله هلز نېشنل پارك په زمكه دې قبضه مافيا سره هېڅ رعايت ونكړے شي۔ د سي ډي اے چيئرمېن اېم علي رندھاوا وفاقي وزير ته د پرمختيائي كارونو په اړه بريفنګ وركولو سره ووئيل په سېکټر سی۔ 14 كښې اوورسيز پاكستانيانو ته خصوصي پام لرنه كولې شي۔ په سېکټر سی۔ 14 كښې پلاټس ترلاسه كولو له تر 30 دسمبر 2024 بکنګ كېدے شي۔ ده وفاقي وزير ته د سېکټر آئی 11 پرمختيائي كارونو په اړه هم بريفنګ وركړو۔ ده ووئيل د سېکټر آئی 11 پرمختيائي كار وروستي پړاؤ څخه تېرېږي او ډېر زر به الاټيز ته وركړې شي۔
