اسلام آباد 20 جنوري(اے پي پي) خارجه وزير مخدوم شاه محمود قرېشي وئيلي دي پاکستان د امريکې نوې اتنظاميې سره په ګډه كار كول غواړي، جوبائيډن د سوئيلي آسياء منطقې او د پاكستان پحقله واضح رائے لري، د سي پېك له مخې خاص اقتصادي زون كښې به د امريكې د سرمايه كارو هركلے كوٶ٬ د امريكې نوې انتظاميې او د پاك امريكا اړيكو پحقله د شورو په ورځ خپل مهم بيان كښې خارجه وزير ووئيل په امريكا كښې نن يوه نوې انتظاميه ذمه وارۍ پغاړه اخلي٬ پاكستان نوې انتظاميې سره په ګډه د كار كولو خواهش لري٬ د امريكې په نوې انتظامحه كښې چې كوم شخصيات په مهمو چوكو غوره كړے شوي په ھغې كښې زياتره د اوباما په انتظاميه كښې هم وٶ هغوي د منطقې ښه وافقيت لري۔ شاه محمود قرېشي ووئيل جوبائيډن د فارن ريلېشنز كمېټۍ فعاله غړے ٶ كله چې پاكستان ته راغلے ٶ نو ما ئې هركلے كړے ٶ٬ جوبائيډن د سوئيلي آسياء منطقې او د پاكستان پحقله واضح رائے لري٬ د افغانستان پحقله زمونږ نكته نظر مطابقت لري، كه د ترجيحاتو پحقله وكتلے شي نو كه د كرونا چېلنج وي يا د ماحولياتي بدلون د مضمراتو مخنيوي پحقله لائحه د پاكستان او امريكې نكته نظر مماثلت لري۔ خارجه وزير ووئيل د هند په حقله د امريكې لخوا دوه مخيزه رائے ضرور شته خو خوشبينه خبره دا ده چې د امريكې نوې انتظاميه د انساني حقونو د تحفظ پحقله واضح موقف لري ٬ په مقبوضه جمو و کشمير كښې د بشري حقونو پحقله صورتحال ډېر اندېښمن دے٬ دا صورتحال نړۍ ته په ګوته كوٶ۔ ده ووئېل د هند په غېر قانوني تسلط كښې د كشمير پحقله چې په كوم ډول د اروپا او برتانيې په پارلمان كښې غږ پورته شوے ان شآء الله د امريكې په پارلمان كښې به هم غږ واورېدے شي۔ خارجه وزير هيله څرګنده كړه چې نوې انتظاميه به د اتيا لكه بې ګناه كشميريانو د استبداد نه خلاصولو له مرستياله وګرځي٬ پاکستان د خپلې جغرافيائي خدوحال او جغرافيائي معاشي حېثت له كبله نشي نظر انداز كېدے ٬ د آبادۍ په لحاظ سره٬ د ځوانانو د تناسب په حقله او د معاشي امكانانو په اړه پاكستان سره د دوه اړخيزه مرستې ودې لپاره بلها موقعې شته۔ خارجه وزير ووئيل د امريكې د نوې انتظاميې رويه چين سره د محاذ آرائۍ نه ده بلكې د مسابقت ده ٬ د پاك چين اقتصادي راهدارۍ له مخې په جوړېدونكي خاص اقتصادي زونز كښې كه د امريكې سرمايه كار سرمايه كاري كول غواړي نو مونږ به ئې هركلے كوٶ
