ملګري ملتونه 24 جولائي (اے پي پي) پاکستان په نړيواله ورورولۍ زور رواړے چې ھغوي په مجموعي ماحولياتي نظام كښې د دوي د كردار له مخې د مارخور تحفظ لپاره د مشتركه هلو ځلو ملاتړ وكړي۔ په ملګرو ملتونو كښې د پاکستان مستقل استازي منير اکرم د ملګرو ملتونو د ماحولياتي پروګرام يو اېن اي پي او د يونين فار کنزرويشن آف نيچر په مرستې ملګرو ملتونو كښې د تاجکستان مشن لخوا راجوړې دستورې ته خپلې وېنا كښې ووئيل پاكستان كښې د قامي ځناور په حېث مارخور ته خاص اهميت ترلاسه دے٬ مارخور معيشت ته وده وركولو٬ د تحفظ هلو ځلو٬ تل پاتي سېلګرۍ او اقتصادي پرمختګ ته وده وركولو لپاره يوه مهمه موقع رامخې ته كوي او د مارخور آبادي په نړيواله كچه ډېره كمېږي چې پكښې د بالغو ځناورو شمېره 6 زره څخه لږه پاتې شوې۔ ده ووئيل پاكستان كښې د مارخور شمېره د تېرو لسو كالو راهسې زياتېږي او دا زمونږ د تحفظ د فعاله پروګرامونو او د كميونټي رابطې له امله د 3500 نه تر 5 زره رسېدلې۔ په دې مهال ده په دې لړ كښې د پاکستان د “ټرافي هنټنګ پاليسي” يعني د “ځناورو د ښکار پاليسۍ” حواله وركړه چې له مخې ئې په ابتدائي توګه د 6 او وروستو د 12 مارخورو د ښكار كولو اجازه وركړې شوې٬ دا پروګرام د ځنګلي حيات او نباتات خطر سره مخ نسلونو كښې د نړيوال تجارت كنونشن (سي آئي ټي اي اېس) له مخې تسليم شوے پروګرام دے۔ منير اکرم ووئيل د ملګرو ملتونو د عمومي اسمبلۍ قرارداد چې پكښې 24 مئي د مارخور نړيوالې ورځ په توګه د لمانځلو اعلان شوے د دې مشهور نوع او د مسكن د اوږد مهاله تحفظ لپاره به مشتركه هلو ځلو ته وده وركولو له مرستياله وګرځي
